Astanada Kereı men Jánibek handardyń eskertkishine gúl shoqtary qoıyldy (FOTO)

ASTANA. QazAqparat - Qazaq handyǵynyń 550 jyldyǵyn merekeleý aıasynda Kereı men Jánibek handardyń eskertkishine gúl shoqtary qoıyldy, dep habarlady astana.gov.kz.

Atalǵan sharaǵa QR Memlekettik hatshysy Gúlshara Ábdiqalyqova, QR Bilim jáne ǵylym vıtse-mınıstri Tahır Balyqbaev, Astana qalasy ákiminiń orynbasary Ermek Amanshaev jáne zııaly qaýym ókilderi qatysty.

Kereı men Jánibek handar eskertkishin ornatý Elbasy Nursultan Nazarbaevtyń ıdeıasy ekenin atap ótkenimiz jón. Elbasy óz sózinde Kereı men Jánibek osydan 500 jyl buryn qazaq handyǵynyń negizin qalaǵanyn aıtqan. Eskertkishtiń orny kezdeısoq tańdalmaǵan, sebebi Astana - Qazaqstannyń táýelsizdiginiń sımvoly.

Músindik kompozıtsııanyń barlyq elementteri tutas bir qalypta ázirlenip, taza qoladan quıylǵan. Eskertkishtiń jalpy salmaǵy - 16 tonnadan artyq. Monýmenttiń avtory - qazaqstandyq músinshi Renat Ábenov.