Astanada Qajymuqan Muńaıtpasov atyndaǵy stadıon súriledi
«Qajymuqan Muńaıtpasov atyndaǵy stadıonda 2022 jyly júrgizilgen tehnıkalyq saraptamaǵa sáıkes, qazirgi stadıon trıbýnasy apatty jaǵdaıda ekeni naqtylandy. Qurylys konstrýktsııalarynyń tozýynan nysan adamdar úshin qaýipsiz emes. Bul turǵyda qazirgi stadıondy buzyp, jańa stadıon salý josparlanyp otyr», - dedi S. Jylqybaev Astana qalasy kommýnıkatsııalar qyzmetindegi baspasóz máslıhatynda.
Aıtýynsha, qazir Qurylys basqarmasy jobalaý-smetalyq qujattaryn daıyndaýmen aınalysyp jatyr.
«Josparlanǵan stadıon ÝEFA-3 standarty boıynsha salynady, onyń syıymdylyǵy 4,5 myń adamdy qamtıdy. Jobalaý-smetalyq qujattama aıaqtalýǵa jaqyndady. Joba aıasynda saraptamanyń oń qorytyndysyn alǵannan keıin, qurylys-montajdaý jumystaryn júrgizýge memlekettik satyp alý konkýrsy jarııalanady. Onda normatıvtik qurylys merzimi 18-24 aıdan kem bolmaıdy. Nysandy paıdalanýǵa berý 2025 jylǵa josparlanǵan. 2025 jyly osy nysanda iri jarystar ótedi dep oılaımyn», - dedi basqarma basshysy.
Budan buryn habarlanǵandaı, 2021 jyly qala ákimdigi Qajymuqan Muńaıtpasov atyndaǵy ortalyq stadıonnyń jańa ǵımaratyn salý úshin eskızdik joba jasalyp jatqanyn jarııalady. Sol kezde stadıon apattyq jaǵdaıda turǵany aıtylǵan edi.