Astanada «Qazaqstannyń úzdik taýary» kórme-baıqaýy ótýde
Kórme-baıqaýy úsh atalym boıynsha ótkiziledi: «Óndiristik maqsattaǵy úzdik taýarlar», «Halyq tutynatyn úzdik taýarlar» jáne «Úzdik azyq-túlik taýarlary».
«Qazaqstannyń úzdik taýary» kórme-baıqaýy men «Uly dala eli» Otandyq taýar óndirýshiler forýmynyń bir alańda ótkizilýi eldegi iri tapsyrys berýshiler (memlekettik organdar, ulttyq holdıngter, ulttyq kompanııalar) men otandyq taýar óndirýshi kásiporyndardyń basyn qosýǵa múmkindik berip, onyń aıasynda ótken V2V sıpatyndaǵy kezdesýlerde atalǵan saladaǵy kóptegen máseleler talqylandy. Sondaı-aq, tapsyrys berýshiler Qazaqstanda qandaı taýarlar óndiriletinin óz kózimen kórý múmkindigine ıe boldy.
Aıta keter bolsaq, QR Úkimeti otandyq óndirýshini qoldaý, onyń ishinde normatıvtik-quqyqtyq bazany jetildirý, olardy uzaq merzimdi tapsyrys kelisim-sharttarymen qamtamasyz etý jáne bir-birimen baılanysty óndirister qurý boıynsha turaqty jumys júrgizedi.
Eske salsaq, «Qazaqstannyń úzdik taýary» respýblıkalyq kórme-baıqaýy 2001 jyldan bastap ótkiziledi. Baıqaý júldegerleri ár atalym boıynsha І, ІІ jáne ІІІ dárejeli «Qazaqstannyń úzdik taýary» respýblıkalyq kórme-baıqaýynyń dıplomdarymen jáne tanym belgisimen marapattalady. Sondaı-aq, olar tórt jyl boıy baıqaý belgisin jarnamalyq maqsattarda qoldaný quqyǵyna ıe bolady.