Astanada qazaqstandyq sýretshilerdiń kórmesi ashyldy
Halyqaralyq akvarel kúnine arnalǵan kórme IWS GLOBE ART NETWORK qaýymdastyǵynyń qoldaýymen jáne «Artbaza» kovorkıng-sheberlik ortalyǵynyń negizin qalaýshy sýretshiler Elızaveta Antropova men Evgenııa Grekınanyń uıymdastyrýymen ótti.
Qatysýshylar konkýrstyq negizde iriktelgen. Qazylar alqasynyń tóraǵasy – IWS Globe halyqaralyq akvarel qaýymdastyǵynyń prezıdenti Atanýr Dogan.
Jumystar birneshe krıterıı boıynsha tańdaldy: 90-100% akvarelmen oryndalýy, ózge avtor kartınasynyń kóshirmesi bolmaýy tıis, sondaı-aq sheberlik-sabaqtarda oryndalǵan jumystar qabyldanbady.
Nátıjesinde kórmege Qazaqstannyń túrli qalalarynan barlyǵy 20 avtordyń sýreti qoıyldy. Olardyń arasynda Aıdana Myńaıdarovanyń «Tuńǵıyq», Maksım Vedernıkovtiń «Qazaqstannyń eńbek sińirgen arhıtektory V.F.Toskınniń portreti», Kýlásh Tórebaevanyń «Bakýge kóne esik», Elena Abılevanyń «Almalar» kartınalary bar.
Kórmeniń ashylý saltanatynda astanalyq sýretshiler Aıdana Myńaıdarova men Elızaveta Antropova jańa kartına salýdan kelýshilerge sheberlik sabaq ótkizdi.
Іs-shara «Artbaza» ortalyǵynda 28 qańtarǵa deıin ótedi.
foto Irıs Mambýr