Astanada qazaqstandyq qamtýǵa qatysty keńes ótedi
Bul týraly atalǵan mınıstrliktiń baspasóz qyzmetinen habarlandy.
Jıynnyń negizgi taqyryby boıynsha ındýstrııanyń ІT-salasy, jeńil, toqyma, farmatsevtıka ónerkásipteri salalaryndaǵy jergilikti qamtymdylyq kórsetkishteri, sondaı-aq otandyq óndiristi damytýǵa qaýymdastyqtardyń qatysý máseleleri talqyǵa túsetin bolady. Qazaqstandyq qamtýdy damytýdaǵy jańa kezeńnin perspektıvalary saralanatyny kútiledi. Sharaǵa ekonomıkanyń barlyq derlik salalaryn qamtıtyn iri odaqtar men qaýymdastyq ókilderi túgeldeı derlik qatyspaqshy. Onyń ishinde, atap aıtqanda «Taý-ken jáne metallýrgııa óndirýshi kásiporyndarynyń qaýymdastyǵy, «ІT-kompanııalardyń qazaqstandyq qaýymdastyǵy», Qazaqstannyń taýar óndirýshiler jáne eksporttaýshylar odaǵy», «Atameken» odaǵy» jáne basqa da uıymdar qatyspaq.
Budan bólek, shara barysynda qazaqstandyq birlestik ókilderi odaqtar men qaýymdastyqtardyń tikeleı qatysýymen ındýstrııalandyrýdyń odan ári damýyna qatysty máselelerdi talqylaýǵa múmkindik alady.