Astanada Qazaqstan ulttyq (etnıkalyq) teatrlarynyń festıvali ótti
Oǵan elimizdiń barlyq etnıkalyq teatrlary qatysty. Festıval respýblıka aýmaǵynda turatyn barlyq etnos ókilderiniń ónerin nasıhattap, halyqtar dostastyǵynyń ómirsheńdigin kórsetýdi kózdeıdi. Atalmysh sharanyń basty maqsaty mádenı jáne tildik alýantúrlilikti saqtaý, etnostar mádenıetiniń ózara tolysýy, eldegi etnıkaaralyq kelisimdi nyǵaıtý jáne Qazaqstan halqynyń baı mádenıetin odan ári damytý bolyp tabylady.
Esterińizge sala keteıik, elimizde turaqty ómir súrip jatqan 125 ult pen ulys bar. Al, onyń ishinde adam sany kóp 7 etnosqa qazaq, orys, ózbek, ýkraın, uıǵyr, tatar jáne nemister jatady.
Ulttyq mádenı festıval degenimiz - Qazaqstanda turatyn nemese eńbek qyzmetimen júrgen ár ult ókilderiniń ishinen zamanaýı talanttar shoǵyryn kórýge múmkindik beretin aıryqsha oqıǵa. Al olar úshin festıval óziniń shyǵarmashylyq qyzmetin belgili bir deńgeıde qorytyndylaý múmkindigi. Festıvalge kelgen árbir kórermen úshin de bul shara mádenı, etnosaralyq qatynas tarapynan erekshe. Bul - ózge halyq mádenıetine jaqyndaı túsý, elimizdiń ár azamatynyń jeke mańyzdylyǵy men qajettiligin seziný múmkindigi.
Sondaı-aq, kez-kelgen festıval - akterler men rejısserler úshin damý, shyǵarmashylyq deńgeıin shyńdaı túsý, tájirıbe almasý alańy. Ol eldiń tildik jáne mádenı kóptúrliligin saqtaýǵa, bir-birin mádenı tolyqtyrýǵa, Qazaqstan halyqtarynyń mádenıaralyq suhbatynyń odan ári damýyna yqpal eteri sózsiz.
Aıta keteıik, festıval aıasynda «Úzdik spektakl», «Úzdik rejısserlik jumys», «Úzdik áıel roli», «Úzdik er adam roli», «Úzdik stsenografııa», «Ekinshi plandaǵy úzdik áıel roli», «Ekinshi plandaǵy úzdik er adam roli», «Úzdik ulttyq dramatýrgııa» nomınatsııalary boıynsha Talǵat Temenov bastaǵan ádil-qazilar sheshimimen teatr salasyndaǵy úzdikter anyqtaldy.
Festıval shymyldyǵyn kóteretin alǵashqy qoıylym Eloradaǵy Oqýshylar saraıynda ótken bolatyn. Bunda Aqmola oblystyq orys drama teatry kórermenniń súıikti spektakline aınalǵan, orys halqynyń belgili jazýshysy jáne talantty dramatýrgi Aleksandr Ostrovskııdiń "Besprıdannıtsa atty shyǵarmasynyń jelisinen alynǵan «Jasaýsyz qalyńdyq» atty karaoke-melodramasyn usyndy. Rejısseri - ıakýtııalyq Sergeı Potapov.
Sergeı Potapov - "Altyn perde" teatrlyq syıaqysynyń laýreaty. Onyń shyǵarmashylyǵy Reseımen, qosa Qazaqstanǵa da jete tanys. Búgingi tańda rejısserdiń bastamasymen elimizde 4 spektakl kórermen nazaryna usynylýda.
Sondaı-aq, Qazaqstan ulttyq (etnıkalyq) teatrlarynyń IV Respýblıkalyq festıvaline Qudys Qojamııarov atyndaǵy respýblıkalyq memlekettik akademııalyq uıǵyr mýzykalyq komedııa teatry, Respýblıkalyq memlekettik akademııalyq koreı mýzykalyq komedııa teatry, Respýblıkalyq akademııalyq nemis drama teatry, Ońtústik Qazaqstan oblystyq ózbek drama teatry, M.Gorkıı atyndaǵy Memlekettik akademııalyq orys drama teatry, , Astana Jastar teatrlary qatysty.
Bir apta boıy Astana qalasynyń qonaqtary men turǵyndary L.Tolstoı, I.V. Gete, A. Kekılbaev, A.Ostrovskıı, L. Solovev syndy klassıkterdiń qoıylymdarymen tanysty.
Festıvaldiń saltanatty jabylýy 12 shilde kúni Oqýshylar saraıynyń sahnasynda ótti.
Aıta keteıik, IV Respýblıkalyq Festıval Qazaqstan Respýblıkasy Mádenıet jáne sport mınıstrligi Qazaqstan halqy Assambleıasynyń jáne Qazaqstan teatrlary assosatsııasynyń qoldaýymen ótti. Festıval qoıylymdary Oqýshylar saraıy men M.Gorkıı atyndaǵy Memlekettik akademııalyq orys drama teatry sahnalarynda kórsetildi.