Astanada Qazaqstan-Slovenııa bıznes klýbynyń keńsesi ashyldy

ASTANA. QazAqparat - Astanada «Kazakh Invest» UK» AQ qoldaýymen Qazaqstan-Slovenııa bıznes forýmy ótti. Oǵan eki eldiń iskerlik ortalarynyń 60-tan astam ókilderi qatysty. 

Forýmnyń ashylý saltanatynda QR Densaýlyq saqtaý vıtse-mınıstri Alekseı Tsoı men Qazaqstan-Slovenııa bıznes klýbynyń prezıdenti Deıan Shtantser sóz sóıledi.

Deıan Shtantser óz sózinde Slovenııanyń Eýropa ortalyǵynda ornalasqanyn jáne Avstrııamen, Italııamen, Majarstanmen jáne Horvatııamen shekaralasatynyn atap ótti. Bul Slovenııanyń Soltústik pen Ońtústik, Batys pen Shyǵys arasynda kópir ispettes ekenin bildiredi, eń mańyzdysy - munda ashyq teńizge jol ashyq. Sondaı-aq Slovenııa EYDU, EEQ sekildi barlyq asa mańyzdy dúnıejúzilik uıymdardyń múshesi.

Óz kezeginde Kazakh Invest basqarýshy dırektory Erık ıAkýbaev Qazaqstannyń ınvestıtsııalyq tartymdylyǵy týraly aıtyp, slovenııalyq bıznesmenderdi respýblıka óńirlerindegi ınvestıtsııalyq jobalardy zerdelep kórýge shaqyrdy.

Budan ózge, forým barysynda slovenııalyq ınvestor Seven Refraktorıs, AHA Hyperbarics (HBOT) bas dırektory Pıter Kokal sóz sóıledi.
 

Forým qorytyndysy boıynsha Astanada Qazaqstan-Slovenııa bıznes klýbynyń ofısin ashý jáne tirkeý rásimi ótti. 

Aıta keteıik,2017 jylǵy qańtar-qazanda eki el arasyndaǵy saýda aınalymy $97,2 mln (eksport - $25,2 mln) qurady. Qazaqstannan Slovenııaǵa eksportty maqta, temir jáne bolat, fenoloketon, elektr jabdyqtary jáne quramdas bólikter quraıdy. Saýda-ekonomıkalyq yntymaqtastyq jónindegi úkimetaralyq komıssııa (ÚAK) jumys isteıdi. ÚAK ІІІ otyrysy 2016 jylǵy 20-21 qazanda Lıýblıana qalasynda ótti.