Astanada Qazaqstan men Qytaı dıplomattarynyń konsýltatsııasy ótti

ASTANA. QazAqparat - Qazaqstan jáne Qytaı dıplomatııalyq vedomstvolary QHR-daǵy qazaq dıasporasynyń máselelerin talqylaý úshin júıeli túrde konsýltatsııalar ótkizýde, dep habarlaıdy QR SІM baspasóz qyzmeti.

«27 qarashada QR Syrtqy ister mınıstriniń orynbasary Aqylbek Kamaldınov QHR Elshisi Chjan Hanhýeımen kezdesti. Sondaı-aq, Qazaqstan Respýblıkasy Syrtqy ister mınıstrliginiń Konsýldyq qyzmet departamenti jáne Astanadaǵy QHR Elshiliginiń konsýldyq bólim basshylyǵymen qazaq dıasporasyna (QHR azamattary) baılanysty máselelerdi sheshý jolyndaǵy yntymaqtastyq jónindegi konsýltatsııalar ótkizildi. 9 qarashada Qazaqstan Respýblıkasynyń Qytaıdaǵy Elshisi Shahrat Nuryshev QHR Syrtqy ister mınıstriniń kómekshisi (vıtse-mınıstr) Lı Hýeılaımen kezdesti», - delingen QR SІM habarlamasynda.

Syrtqy saıası vedomstvonyń habarlaýynsha, jyl sońyna deıin QR SІM birinshi orynbasary Muhtar Tileýberdi Úrimji qalasyna QHR Shynjań Uıǵyr avtonomııalyq ólkesi jáne QHR ShUAÓ Syrtqy ister basqarmasy basshylyǵymen kezdesý maqsatymen, sondaı-aq QR SІM Pasport jáne vızalyq qyzmet ınspektsııasyn jasaý úshin jumys saparymen barady.