Astanada Qazaqstan halqy Assambleıasynyń etnomádenı birlestikteriniń otyrysy ótti
Taratylǵan aqparatqa sáıkes, birrettik aktsııa aıasynda Assambleıa jylynyń ashylýy 6 aqpanda Beıbitshilik jáne Kelisim saraıynda saǵat 11.00 ótedi.
Ermek Amanshaev qatysýshylardy Qazaqstan halqy Assambleıasy jylymen quttyqtap, elordalyq etnomádenı ortalyqtardyń osy ataýly jyldy joǵary deńgeıde atap ótýine belsendi túrde qatysatynyna senim bildirdi.
Kezdesý barysynda «Alef» evreı mádenı-aǵartý qoǵamdyq-saıası qoǵamynyń tóraǵasy Goldberg Moıseı Mıhaılovıch, «Nur Otan» partııasy qalalyq fılıalynyń Taldaý, boljaý jáne áleýmettik bastamalar ortalyǵynyń basshysy, Astana qalasy Qazaqstan halqy Assambleıasynyń múshesi Qazkenov Qazbek Maılybaıuly, Respýblıkalyq dúngen etnomádenı qoǵamynyń tóraǵasy, Astana qalasy maslıhatynyń depýtaty Hahazov Shakır Hýsaınovıch Táýelsizdik pen ulttyq birlikti nyǵaıtýǵa, mádenıet aralyq suhbatty damytýǵa jáne qazaqstandyq patrıottyqqa tárbıeleýge qosqan eleýli úlesteri úshin Qazaqstan halqy Assambleıasynyń qoǵamdyq «Birlik» altyn medalimen marapattaldy.
Qala basshysyynyń orynbasary Qazaqstan halqy Assambleıasynyń róli elimizde kúnnen kúnge artyp otyrǵanyn atap ótti. Bul biregeı ınstıtýt, saıası mańyzdylyǵymen qatar, qoǵamda áleýmettik mánge de ıe. Munymen qosa, Qazaqstan halqy Assambleıasynyń qyzmeti Elbasynyń turaqty nazarynda ekenin atap ótip, Qazaqstan halqy Assambleıasynyń 21-sessııasynda N. Nazarbaev QHA jumys organy - hatshylyqtardy nyǵaıtý maqsatynda «Qoǵamdyq kelisim» kommýnaldyq memlekettik mekemesi - jańa qurylymyn qurý týraly nusqaý bergenin jetkizdi.
E. Amanshaev ákimdik janynan qurylǵan «Qoǵamdyq kelisim» kommýnaldyq memlekettik mekemesiniń basshysy Jaras Baıbosynovty tanystyrdy, dep jazady astana.gov.kz.