Astanada qazaq kúresinen «Dala qyrandary» týrnıri bastaldy
Jaqsylyq Úshkempirov atyndaǵy jekpe-jek saraıynda jalaýyn kóteretin týrnırde 8 salmaq boıynsha júldeler sarapqa salynady.
Elimizdiń basty reıtıngtik jarystarynda eń joǵary upaı jınap iriktelgen 64 balýan 55, 60, 66, 74, 82, 90, 100, 100 keliden joǵary salmaqta boz kilemge shyǵady. Olar óz salmaq dárejesi boıynsha «Dala qyrany» tıtýlyn sarapqa salyp, bas balýan atanady.
Byltyr Qazaqstanda qazaq kúresi boıynsha 5 reıtıngilik jarys ótti. Bul jarystardyń nátıjesinde ár salmaq dárejesinde eń kóp upaı jınaǵan úzdik 8 balýan anyqtaldy.
Oǵan qazaqstandyq belgili balýandar qatysady. Olardyń qatarynda álem chempıonaty jáne ózge de halyqaralyq jarystarda jeńimpaz atanǵan Bekjan Tólepov, Jumajan Qojambekov, Ersultan Muzapparov, Altynbek Aýsaǵıtov, Nurdáýlet Jarylǵapov jáne Erasyl Qajybaev bar.
Osyǵan deıin 2025 jyldyń 11 qańtarynda elordadaǵy Jaqsylyq Úshkempirov atyndaǵy jekpe-jek saraıynda ulttyq brendimiz – qazaq kúresinen «Dala qyrandary» respýblıkalyq týrnıri ótetinin habarlaǵanbyz.