Astanada qazaq kúresinen Álem chempıonatyna irikteý ótedi

ASTANA. QazAqparat - 5 qarasha kúni Astanadaǵy Jaqsylyq Úshkempirov atyndaǵy «Jekpe-jek» saraıynda qazaq kúresinen respýblıkalyq týrnır ótedi, dep habarlaıdy QazAqparat.

Qala ákimdiginiń resmı saıtynda málim etilgendeı, «Dala qyrandary» týrnıriniń maqsaty – 8 salmaq dárejesinde elimizdiń eń úzdik balýandaryn anyqtaý.

Jeńistiń bıik tuǵyryna kóterilgender «Dala qyrany» tıtýlynyń ıegeri atanyp, óz salmaǵynyń «Bas balýany» ataǵyna ıe bolady.

Sol sııaqty ár salmaqtyń jeńimpazdary jeltoqsan aıynda elordada ótetin álem chempıonatyna joldama alady.