Astanada Qazaq handyǵynyń 550 jyldyǵyna arnalǵan mýzykalyq qoıylym keshi ótti (FOTO)
El taǵdyryn óz taǵdyrynan bıik qoıǵan, ultynyń tutastyǵyn, jeriniń bútindigin murat etken qazaq handary men batyrlary qazaq tarıhynyń ár belesinde ulttyq tulǵa bolyp saqtaldy. Qazaq jeriniń bir súıemi osylardyń arqasynda jaýdyń qolyna ketpedi.
Qus qanaty talatyn keń-baıtaq dalamyzdy, qutty qonys, atamekenimizdi uly batyr babalarymyz naızanyń ushymen, bilektiń kúshimen qorǵaǵan. Ásirese, Handyqtyń irgesin bekitken Kereı men Jánibek, qasqa jolyn salǵan Qasym han, Eski joldy eskirtpegen Esim han, beıbitshilikti ustanǵan Haqnazar han, «Jeti jarǵyny» ata-zańymyzdyń atasy etken Áz-Táýke, Qazaqtyń sońǵy hany Kenesary, úsh júzdiń bıleri: Áıteke bı, Tóle bı, Qazybek bı men qazaq batyrlary el jadynan bir sát te umytylar emes. Mýzykalyq qoıylym keshi osyndaı tarıhı tulǵasy bıik handar men bılerimizdiń elge sińirgen eseli eńbekterin halyqqa dáripteýdi, urpaq sanasynda jańǵyrtýdy maqsat etken.
Keshte Astana qalasy ákimdigi memlekettik akademııalyq fılarmonııasynyń Qazaq halyq aspaptar orkestri, «Shalqyma» halyq bı ansambli, «Artıst» bı toby, Q.Qýanyshbaev atyndaǵy memlekettik akademııalyq teatrdyń akterleri óner kórsetti.
Baqytjol Kákesh