Astanada qaıyrymdylyq balynan túsetin jarnalar aýtızmmen syrqattanǵan balalardy emdeýge jumsalady (FOTO, VIDEO)
Bıylǵy baldyń ereksheligi sharaǵa qatysýshylar erkin kóshpelilerdiń tarıhyn kórsetetin qazaq halqynyń ańyzdary men shyǵarmashylyq arqyly saıyn dalanyń sulýlyǵyn kórkem kesteleý boldy.
Alǵash ret baldy halyqaralyq konkýrstardyń laýreaty, Gúlmıra Quttybadamovanyń kórkemdik jetekshiligimen kameralyq hor ashty.
Dástúr boıynsha elordanyń kásibı horeograftarynyń basshylyǵymen 30 jup debıýtanttar qonaqtardy zamanaýı mýzykalyq qoıylymdar yrǵaǵynda bı nómirlerimen tánti etti.
Olardy teatr jáne kıno akteri Ánýar Nurpeıisov pen «Qazaq arýy-2015» baıqaýynyń jeńimpazy Kámshat Qoskelova qoldady.
Keshtiń mańyzdy sáti Batyrhan Shúkeevtti eske alýǵa jáne onyń shyǵarmashylyǵyna arnalǵan ánshi Álı Oqapovtyń nómiri boldy. Qaıyrylmdylyq balynan túsken barlyq qarajat turmysy tómen jáne kóp balaly otbasylardan shyqqan balalardyń bilim baǵdarlamalaryna jáne aýtızmge shaldyqqan balalardy qoldaýǵa jumsalmaq. «Bıylǵy jyly bal aýtızmge ushyraǵan balalarǵa arnalyp otyr. Bul úlken problema. AQSh pen Izraıldiń zertteý ınstıtýttarynyń málimetteri boıynsha, 2020 jylǵa qaraı árbir 30-shy bala aýtızm dertine shaldyǵady. Al bizde búgingi tańda naq osyndaı balalarǵa jaǵdaılar jasaý tolyq kóleminde júrgizilip otyrǵan joq. Olarǵa mamandardyń bilikti kómegi qajet. Jınalǵan qarjyǵa balalardy oqytýǵa, kómek kórsetýge tyrysamyz. Bul balalar, negizinen turmysy tómen otbasylarynan shyqqan. Adamdar tólegen jarnalar qordyń qaıyrymdylyq sharalaryn júzege asyrýǵa jumsalady», - dep habarlady «QazAqparat» tilshisine bergen suhbatynda «Bolashaq» korporatıvtik qorynyń dırektory Dınara Shaıjúnisova.
Keshtiń júrgizýshileri Kámshat Joldybaeva men tanymal telejúrgizýshi Kamıl Ǵalıev boldy. Otlıchıtelnoı osobennostıý bala stal aýktsıon ýnıkalnyh lotov predmetov ıskýsstva ı sportıvnoı atrıbýtıkı. Vyrýchennye sredstva poıdýt na blagotvorıtelnost, soobşaıýt organızatory.
Baldyń aıryqsha ereksheligi óner jáne sport artıbýttary zattarynyń biregeı lottarynyń bássaýdasy boldy. Túsken qarajattar qaıyrymdylyq sharalaryna baǵyttalady, dep habarlady uıymdastyrýshylar.
Lottarǵa Qazaqstannyń eki dúrkin chempıony «Astana» kásibı fýtbol klýbynyń komandasy tolyq quramynyń qoltańbalary bar doby, «Astana Arlans» kásibı sport klýbyndaǵy jattyǵý aptasy, «Barys» hokkeı klýby usynǵan sporttyq kıimder, Alsara vý Damiani kollektsııasynan bas kıim áshekeıleri qoıylǵan. Ótken jyly qaıyrymdylyq balynyń barysynda 13,6 mln. teńgeden astam qarjy túsken bolatyn. Aýtızmge shaldyqqan balalarǵa 7 ınklıýzıvtik synyptar quryldy.
Aýtızm - bas mıynyń damýy buzylýy saldarynan áleýmettik ózara is-qımyl men qatynastyń jetkiliksizdigimen, sondaı-aq qyzyǵýshylyǵy shektelýimen sıpattalatyn syrqat. Álemde árbir 88-shi bala aýtızm syrqatyna ushyraǵan, sonyń ishinde qyz balalarǵa qaraǵanda, ul balalarda bul aýrý túri shamamen 4 ese kóp. Aýrýdyń belgileri úsh jasqa deıin paıda bolyp, adamdyń búkil ómir boıyna jalǵasýy múmkin.