Astanada qaıtalama naryqtaǵy turǵyn úı baǵasy alty jylda alǵash ret arzandady

<p>Elordada qaıtalama naryqtaǵy turǵynúı baǵasy 2023 jyldyń qańtar-jeltoqsan aralyǵyndaǵy jyldyq kórsetkish boıynsha 5,3%-ke tómendedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Birinshi kredıttik bıýro Telegram-arnasynyń habarlaýynsha, osy kezeń qorytyndysy boıynsha baǵanyń tómendeýi 2017 jyldan beri alǵash ret tirkelip otyr. Oǵan QR Strategııalyq josparlaý jáne reformalar agenttigi Birinshi kredıttik bıýro derekteri dálel.

2023 jyl qorytyndysy boıynsha qaıtalama naryq baǵasy tómendegen jalǵyz qala – Astana bolyp shyqty. Jeltoqsanda baǵa 7,8%-ke tómendedi, biraq ótken kezeńderde baǵa óskendikten birneshe jyl burynǵy kórsetkishten joǵary bolyp tur. Máselen, 2020 jylǵy jeltoqsanmen salystyrǵandaǵy ósim – 50%.

12 aıdyń qorytyndysy boıynsha birinshi naryqtaǵy úı 6,7%-ke, jeltoqsanda jylyna 3,4%-ke qymbattady.

Ekinshi naryqtaǵy úı jalpy 1,8%-ke, 2022 jylǵy jeltoqsanmen salystyrǵanda 3,7%-ke arzandady. Aıtpaqshy, keıingi aıda ótken jylmen salystyrǵanda Almatyda da baǵa tómendegeni baıqalǵan (-3,8%).

2023 jylǵy qańtar-jeltoqsan aılaryndaǵy jalǵa alý baǵasy ótken jylmen salystyrǵanda 16,4%-ke qymbattady, al jyldyq kórsetkishte baǵa 1,6%-ke ósti.