Astanada qatty jelden keıin qalpyna keltirý jumystary júrgizilip jatyr

<p>Elordada 18 qarasha kúni keshki ýaqytta uıytqyp soqqan qatty jel qurylystarǵa zııan keltirip, aǵashtardy qulatyp, belgilerdi julyp áketti. Qalanyń kommýnaldyq qyzmetteri aýa raıynyń qolaısyzdyǵyna baılanysty kúsheıtilgen rejımge kóshti, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://www.gov.kz/memleket/entities/astana/press/news/details/655542?lang=kk" target="_blank" rel="noopener">Astana ákimdiginiń resmı saıtyna</a> silteme jasap.</p>

Kommýnaldyq qyzmetter aýdan ákimdikterimen birlesip, apattyń saldaryn joıý jáne qalpyna keltirý jumysyn júrgizip jatyr. Ótken táýlikte Astana Tótenshe jaǵdaılar departamentiniń qyzmetkerleri rastalmaǵan 3 fakti boıynsha 28 ret shyqty, 10 órt oqıǵasy, 12 avarııalyq-qutqarý jumysy jáne t.b.

Máselen, Úrker eldi mekeninde aýa raıynyń nasharlaýyna baılanysty Ulttyq ulan áskerı bóliminiń bes qabatty kazarma ǵımaratynyń shatyry buzyldy. Onyń jalpy alańy 1500 sharshy metrdi qurady. 

Foto: Astana qalasynyń ákimdigi

Baıqońyr aýdanynda aýa raıynyń qolaısyzdyǵy kezinde 7 avtobýs aıaldamasy opyrylyp, 6 qorshaý zaqymdaldy. Sol sııaqty 6 aǵash qulady.

Saryarqa aýdanynda eki qabatty úıdiń shatyry buzylyp, artynsha «Shkolnaıa» mekemesiniń elektr energııasy úzildi. Astana-AEK arqyly elektrmen jabdyqtaý tolyǵymen qalpyna keltirildi.

Almaty aýdanynda 8 jol belgisi, 1 jaryqtandyrý baǵanasy, 5 sham, qorshaý jáne t.b. búlindi.

Foto: Astana qalasynyń ákimdigi

«MEGA Silk Way» saýda ortalyǵynyń negizgi kireberisiniń janyndaǵy kóshede qatty jelden jarnamalyq banner julynyp, áıel adamnyń ústine tústi. Ol №2 aýrýhanaǵa jetkizildi. Dárigerler teksergennen keıin úıine jiberildi, jaǵdaıy qanaǵattanarlyq.

Nura aýdanynda «Evolution» TK, «Tehnıkým» TK qurylys alańdarynda, Syǵanaq-Ánet baba kósheleriniń qıylysynda, Qabanbaı batyr dańǵyly, 29/4, Qorǵaljyn tas joly, 20B, Omarov kóshesi, 21/1 jáne Turan dańǵyly, 57/1 mekenjaılarynda qorshaýlardy qalpyna keltirý jumysy júrgizilip jatyr.

Kommýnaldyq qyzmetter qatty jelden keıin qalpyna keltirý jumysyn júrgizip jatyr.