Astanada Kaspıı teńiziniń quqyqtyq mártebesi týraly qujat jobasy talqylandy

ASTANA. QazAqparat - 2018 jylǵy 21-24 mamyr aralyǵynda Astanada Kaspıı mańy memleketteriniń syrtqy ister mınıstrleriniń orynbasarlary deńgeıindegi Kaspıı teńiziniń quqyqtyq mártebesi týraly Konventsııany ázirleý jóninde Arnaıy jumys tobynyń (AJT) 51-shi otyrysy ótti. Bul týraly QazAqparat SІM baspasóz qyzmetine silteme jasap habarlaıdy.

Kelissózderge Qazaqstan Respýblıkasynyń, Ázerbaıjan Respýblıkasynyń, Iran Islam Respýblıkasynyń, Reseı Federatsııasynyń jáne Túrikmenstannyń delegatsııalary qatysty.

Ústimizdegi jyly Qazaqstan Respýblıkasynda ótkizilýi josparlanǵan Besinshi Kaspıı sammıtine daıyndyǵyna arnalǵan otyrysty Qazaqstan Respýblıkasynyń Syrtqy ister mınıstri Qaırat Ábdirahmanov ashty.

AJT otyrysynda taraptar joǵary deńgeıindegi aldaǵy kezdesýdiń kún tártibi men qorytyndy saıası qujattyń jobasyn kelisti, sondaı-aq Besinshi Kaspıı sammıtiniń sheńberinde Kaspıı teńiziniń quqyqtyq mártebesi týraly Konventsııasymen qatar besjaqty salalyq qujattardy kelisý jáne olarǵa qol qoıýǵa daıyndyq boıynsha jumys barysyn talqylady.

Besjaqty qujattardyń kelesi jobalaryn kelisý jóninde kelissózder protsesiniń aıaqtalýy qanaǵattanarlyq dep belgilendi: Kaspıımańy memleketteriniń úkimetteri arasyndaǵy kólik salasyndaǵy kelisim, Kaspıımańy memleketteriniń úkimetteri arasyndaǵy saýda-ekonomıkalyq yntymaqtastyq týraly kelisim, Kaspıı teńizindegi terrorızmge qarsy kúres salasyndaǵy yntymaqtastyq týraly hattama, Kaspıı teńizindegi uıymdasqan qylmysqa qarsy kúres salasyndaǵy hattama, Kaspıı teńizindegi qaýipsizdik salasyndaǵy yntymaqtastyq týraly kelisimge shekara vedomstvolarynyń yntymaqtastyq jáne ózara is-qımyl týraly hattama.

Taraptar osy jyly shilde aıynda Máskeýde Kaspıı teńiziniń teńiz ortasyn qorǵaý jóninde Negizdemelik konventsııasynyń Taraptar konferentsııasynyń kezekten tys sessııasyn ótkizý jáne onyń sheńberinde atalǵan Konventsııaǵa transshekaralyq kontekstindegi qorshaǵan ortaǵa áserin baǵalaý jónindegi hattamany qabyldaý jáne oǵan qol qoıý josparlanǵan usynysyn quptady.

Delegatsııalar kelissózderdiń qorytyndylaryn oń baǵalady jáne kezdesý uıymdastyrýyn joǵary deńgeıi úshin Qazaqstan Respýblıkasyna óz alǵysyn bildirdi.

Arnaıy jumys tobynyń kelesi otyrysy Qazaqstan Respýblıkasynda ótedi. Onyń ótkizilýi merzimderi dıplomatııalyq arnalar arqyly kelisiletin bolady.