Astanada «Kásiptik bilim jáne bıznes: áriptester suhbaty» VII halyqaralyq forýmy ótedi
Bul týraly QR Bilim jáne ǵylym mınıstrliginiń baspasóz qyzmeti habarlady.
Forýmǵa Qazaqstan Respýblıkasy Premer-Mınıstriniń orynbasary Darıǵa Nazarbaeva, kadrlardy daıarlaýdyń ózekti máseleleri boıynsha QR Bilim jáne ǵylym mınıstri Aslan Sárinjipov, «Qazaqmys» korporatsııasy JShS-niń dırektorlar keńesiniń tóraǵasy Edýard Ogaı, TVET UK atqarýshy dırektory Metıý Anderson, Túrkııa Respýblıkasynyń Úkimeti janyndaǵy Yntymaqtastyq jáne úılestirý agenttiginiń Qazaqstandaǵy ókildiginiń tóraǵasy Mehmed Bodýr, Reseı orta arnaıy oqý oryndary dırektorlary keńesiniń prezıdenti Vıktor Demın qatysyp, sóz sóıleıdi.
Sonymen qatar, forým jumysyna Germanııa, Fınlıandııa, Ulybrıtanııa, Polsha, AQSh, Ońtústik Koreıa, Belorýssııa, Reseı, Ózbekstannan halyqaralyq sarapshylar, EýroOdaq, Dúnıejúzilik bank, Brıtan Keńesi, PISA (Ulybrıtanııa), GIZ (Germanııa) jáne ulttyq sheteldik kompanııalar men holdıngtar, Qazaqstannyń salalyq assotsıatsııalar ókilderi, jumys berýshi áleýmettik áriptester jáne taǵy basqalar qatysady. Forýmnyń barlyq qatysýshylar sany - 700 adam.
Forýmǵa qatysýshylar eńbek naryǵyna básekege qabiletti jáne suranysqa ıe mamandar daıarlaýda seriktestikti tıimdi damytýda tájirıbemen bólisedi, Indýstrııalyq-ınnovatsııalyq damý memlekettik baǵdarlamasy sheńberinde kadrlar daıarlaý, tehnıkalyq jáne kásiptik bilim berý júıesine jańa ınnovatsııa ádisterin paıdalaný men zamanaýı mehanızmderin talqylaıdy.
Forým sheńberinde «Sheberler qalasy» kórmesi jáne tehnıkalyq jáne kásiptik bilim berý salasynyń ardagerlerin, «World Skills International» halyqaralyq kórme jeńimpazdaryn, sondaı-aq óńirlik kásipkerler palatasy ókilderin marapattaý rásimi ótkiziledi.