Astanada qaryzy bar adamdy kirgizbeıtin «aqyldy» domofon tanystyryldy

ASTANA. QazAqparat - Tatarstan Respýblıkasy Qazan qalasy meriniń orynbasary Iskander Gınııatýllın elordada ótip jatqan «TÚKSh-ti tsıfrlandyrý: ashyqtyq jáne sapa» atty is-sharada «Aqyldy domofon» júıesiniń múmkindikterin tanystyrdy, dep habarlaıdy QazAqparat tilshisi.

«Bizdiń Qazan qalasynda qoldanystaǵy «Qaýipsiz qala» júıesi elementteriniń biri - «Aqyldy» domofon. Ol vıdeobaqylaý jáne azamattarǵa daýystap habar berý qurylǵysymen qamtylǵan. ıAǵnı, álgi azamat úıindegi domofonǵa jaqyndaǵan kezde jaqyn arada sý nemese jaryq júıesi óshiriletini, al qaryzy bar adamdarǵa beresheginiń bar ekeni «aqyldy» domofon arqyly aıtylady. Qaryz alýshy «aqyldy» domofon arqyly qansha aqsha qaryz ekenin tıynyna deıin bile alady. ıAǵnı, domofon daýystap habar berip bitpeıinshe esikti ashpaıdy», - deıdi ol. 

Qazan qalasy meriniń orynbasary óz sózinde «aqyldy» domofondardyń balamasyn kórmede de kórgenin atap ótti.

«Ónertapqysh jigitter domofon arqyly qaryzy bar adamdardy jeńil toqpen urýdy usynyp otyr. Alaıda bizdiń oıymyzsha, bul shara qataldaý sekildi», - dep kúldi Iskander Gınııatýllın.

Eske sala ketsek, Astanada QR Investıtsııalar jáne damý mınıstrligi «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-pen birlesip, «TÚKSh-ti tsıfrlandyrý: ashyqtyq jáne sapa» atty is-shara ótkizip jatyr.

Atalmysh is-sharada QR Premer-mınıstriniń orynbasary Asqar Jumaǵalıev Qazaqstanda turǵyn úı kommýnaldyq sharýashylyǵy salasyn tsıfrlandyrý jumysy bastalyp ketkenin málim etken edi.