Astanada Qarýly Kúshterdiń 25 jyldyǵyna arnalǵan ǵylymı konferentsııa ótti

ASTANA. QazAqparat - QR QK Ulttyq áskerı-patrıottyq ortalyǵynda QR Respýblıkasy Qarýly Kúshteriniń 25 jyldyǵy men Alash Ordanyń 100 jyldyǵyna oraılastyrylǵan halyqaralyq ǵylymı-praktıkalyq konferentsııa ótti, dep habarlaıdy QR Qorǵanys mınıstrliginiń baspasóz qyzmeti habarlady.

Іs-sharaǵa QR Parlamenti Májilisiniń depýtaty Baqytbek Smaǵul, QR QK Bas shtaby bastyǵynyń orynbasary general-maıor Muhamedjan Talasov, tanymal otandyq jáne sheteldik ǵalymdar, memlekettik jáne qoǵam qaıratkerleri, doktoranttar, magıstranttar, stýdentter qatysty.

Konferentsııanyń negizgi maqsaty Qazaqstan Respýblıkasynyń áskerı tarıhy, ǵylym men bilimdi damytý joldary men keleshegi, atalmysh salada birlesken ǵylymı zertteýlerdi jetildirý máselelerin talqylaý boldy.

«Búgingi konferentsııa «Rýhanı jańǵyrý» baǵdarlamasy sheńberinde ótti. Alash Ordanyń 100 jyldyǵy men táýelsiz Qazaqstannyń Qarýly Kúshteriniń qurylýynyń 25 jyldyǵyna arnalǵan jáne urpaq sabaqtastyǵyndaǵy alar orny orasan zor. Alash qaıratkerleri ózderiniń ómirlerin egemendi memleketti qurý isine sarp etti, al Alash qozǵalysy - bul halyqqa qyzmet etýdiń jarqyn úlgisi. Búginde olardyń armandary oryndaldy. Qazaqstannyń áskerı qyzmetshileri ómirlerin Otanǵa qyzmet etýge arnap otyr. Al mundaı konferentsııalar urpaqtar arasyndaǵy baılanys úshin qajet. Sebebi, jas urpaq óziniń tarıhyn tereń bilýi tıis», - dep QR QK Bas shtaby bastyǵynyń orynbasary general-maıor Muhamedjan Talasov atap ótti.

Konferentsııa barysynda saıası ǵylymdardyń kandıdaty, alashtanýshy, «Qasıetti Qazaqstan» ólketaný zertteý ortalyǵynyń dırektory Berik Ábdiǵalıulynyń «Alash áskeri», Aq ásker quramyndaǵy qazaq bólikteri (1918-1920 jj.), tarıh ǵylymdarynyń kandıdaty, dotsent Turǵanbek Allanııazovtyń «Qazaqstan kóshpendileriniń áskerı isi: zerdeleý tájirıbesi men máseleleri», ólketanýshy, qolóner sheberi Shóptibaı Baıdildınniń «Keıki batyr» atty kitaptarynyń tusaýkeseri ótkizildi.