Astanada qarttar men balalardy azaptaǵan medýnıversıtet stýdenti sottaldy

<p>Astanada hospıstegi qarttar men múgedek balalardy qorlaǵan medıtsınalyq stýdentke úkim shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Jylqybaıuly Qylmystyq kodekstiń 110-baby 2-bóligi 1 jáne 2-tarmaqtary boıynsha qylmys jasaǵany úshin kináli dep tanylsyn jáne oǵan 4 jyl 8 aıǵa bas bostandyǵynan aıyrý jazasy taǵaıyndalsyn. Jazasyn qaýipsizdigi ortasha mekemede ótesin. Jylqybaıulyna qatysty bultartpaý sharasy ózgertilsin, dereý qamaýǵa alynsyn», — dedi sýdıa Baǵlan Ydyrysov úkimdi oqı otyryp.

Azamattyq aryz ishinara qanaǵattandyryldy.

Atap aıtqanda, sot Jylqybaıulynan D-nyń paıdasyna (jábirlenýshiniń ókili) — 2 mln teńge, Q-nyń paıdasyna (jábirlenýshiniń ókili) — 2 mln teńge óndirip alý jóninde qaýly shyǵardy. 

Eske sala ketsek, bıyl shildede astanalyq medıtsına ýnıversıtetinde oqıtyn stýdent patsıentter (qarttar) men múgedek balalardy qorlaǵanyn habarlaǵan edik. 

Bul týraly Bala quqyqtary jónindegi ýákil Dınara Zákıeva málim etken edi.