Jarysta barlyq erejeniń saqtalýyn kásibı tóreshiler alqasy qamtamasyz etti. Bas tóreshi qyzmetin Baqytjan Ádilbekov atqardy, tóreshi hatshy mindetin Andreı Rogov oryndady, al balyq aýlaý aımaqtarynda tóreshi retinde Danıl Korotovskıı jumys istedi.
Uıymdastyrý komıteti aldyn ala jarysqa daıyndyq jumysyn júrgizdi. Ózenniń túbi men aǵysy eskerile otyryp balyq aýlaıtyn jerler belgilendi, tóreshiler shtaby quryldy, marapat qory jasaqtalyp, jeńimpazdar men júldegerlerge arnalǵan kýbok, medaldar jáne gramotalar daıyndaldy.
Jarys baǵdarlamasy birneshe mindetti kezeńnen turdy. Qatysýshyny tirkeý, saltanatty ashylý rásimi, balyq aýlaıtyn quraldardy tehnıkalyq baqylaý, balyq aýlaý kezeńi, nátıjeni esepteý jáne marapattaý rásimi. Barlyq kezeń tártipke sáıkes, joǵary deńgeıde uıymdastyryldy.
Jarys kúni balyqshylarǵa qolaıly bolyp, týrnır shynaıy sporttyq báseke jaǵdaıynda ótti.
Qatysýshylarǵa barlyq jaǵdaı jasalyp, olar balyq aýlaý taktıkasy men tehnıkasyna tolyq nazar aýdartýǵa múmkindik aldy.
Tartysty doda qorytyndysy boıynsha chempıonat jeńimpazdary anyqtaldy. Birinshi oryndy – Abaı Muqanov, ekinshi oryndy Anton Rodıonov, úshinshi oryndy Amangeldi Salyqov ıelendi. Al «Big Fish» arnaıy nomınatsııasynda (eń iri balyq aýlaǵany úshin) Vıacheslav Baıgýjın jeńimpaz atandy.
Chempıonattyń ereksheligi – onyń qaıyrymdylyq sıpatynda ótýi. Jarys barysynda sportshylar ustaǵan barlyq balyq janýarlarǵa arnalǵan panajaıǵa tapsyryldy. Bul ıgi bastamany «Dobro rýlıt» klýbynyń eriktileri júzege asyrdy. Atalǵan klýb – Astana qalasynyń Sporttyq balyq aýlaý federatsııasynyń jastar qanaty.
Sonymen qatar klýb belsendileri bul kúni tek janýarlarǵa kómek kórsetýmen shektelgen joq. Olar qaladaǵy áleýmettik az qamtylǵan otbasylarǵa arnalǵan azyq-túlik sebetin daıyndap, taratyp berdi. Osylaısha, Esil ózeniniń jaǵasynda eki mańyzdy is qatar atqaryldy.
Bedeldi sport jarysy uıymdastyrylyp, kómekke muqtaj jandarǵa naqty qoldaý kórsetildi.
Aıta keteıik, Kólsaı kólderinde 31 mamyrǵa deıin balyq aýlaýǵa tyıym salyndy.