Astanada «Qaraótkel-2012» agroónerkásiptik kesheni jetistikteriniń dástúrli jármeńke-kórmesi ótedi
Respýblıkalyq deńgeıde ózderiniń eńbekteri men tabystaryn elimizdiń jetekshi óndirýshileri men aýyl sharýashylyq ónimin qaıta óńdeýshiler usynady. Shara aýyl sharýashylyǵy Mınıstrligi men qalalyq ákimdiktiń resmı qoldaýymen «Qazagro» UBH» AQ enshiles mekemesi «Qazagromarketıng» AQ tarapynan uıymdastyryp otyr. Bul týraly atalmysh mekekmeniń baspasóz qyzmeti habarlaıdy.
«Qaraótkel-2012» Qazaqstannyń AÓK jetistikteriniń jármeńkesi «Metro» saýda ortalyǵynyń aýmaǵynda 6-shy márte meımandardy toǵystyrady. Aýylsharýashylyq óndiristiń barlyq quramdas bóligin jármeńke-kórmeniń taqyryby qamtıdy. Sońǵy jyldardyń jańashyldyqtary ári naryqty baǵyndyrǵan ónimderdi jármeńke-kórmege qatysatyn kompanııalar ekspozıtsııalar men tusaýkeserlerde usynady.
Sharaǵa barlyq oblystar qatysady. Olar úzdik aýylsharýashylyq jáne qaıta óńdeıtin kásiporyndarmen tanystyrady. Ekspozııanyń maqsaty óńirlerde júzege asyrylǵan aýyl sharýashylyǵyn damytý baǵdarlamasynyń nátıjesin keshendi túrde pash etý. Elimizdiń ár oblysynyń qarjylyq, ekonomıkalyq, ulttyq jáne aýmaqtyq erekshelikteri nazarǵa usynylmaq.
Uıymdastyrýshylar jármeńkege 300 kásiporyn qatysatynyna senim artyp otyr.
Uıymdastyrýshylar meımandar úshin mamandyrylǵan semınarlar men tusaýkeserler uıymdastyryp otyr.
Jármeńke-kórmeniń aldynda shildeniń 19-yna josparlanǵan «Mal sharýashylyǵy Qazaqstan Respýblıkasy AÓK damýynyń tyń baǵyty» taqyrybynda konferentsııa «Aqqý» qonaq úıinde ótedi.
Jıynda elimizdegi mal sharýashylyǵynyń tynysy talqylanyp, Múıizdi iri qara etiniń eksporttyq álýetin damytý Baǵdarlamasynyń júzege asyrý barysy boıynsha aralyq qorytyndy shyǵarylady. Oǵan QR aýyl sharýashylyǵy Mınıstrliginiń, «QazAgro»UBH» AQ ókilderi, asyl tuqymdy sharýashylyqtardyń, tuqymdy qaýymdastyqtardyń jetekshileri, halyqaralyq sarapshylar, kásipkerlik ókilderi qatysady.