Astanada qar tazalaýǵa 2,3 myńnan astam jol jumysshy shyqty

<p>ASTANA. KAZINFORM &ndash; Ótken túnde kommýnaldyq qyzmet mamandary qaladan shamamen 41 myń tekshe metr qar shyǵardy. Olar táýlik boıy birneshe aýysymda jumys istep jatyr. Bul týraly Astana ákimdiginiń resmı saıty habarlady.&nbsp;</p>

23 aqpan kúni tańerteń qar tazalaý jumysyna 1,4 myń birlik arnaıy tehnıka jáne 2,3 myńnan astam jol jumysshy jumyldyryldy.

22 aqpannan 23 aqpanǵa qaraǵan túni elordadan 41 myń tekshe metr qar shyǵaryldy, polıgondarǵa 3 myńnan astam reıs jasaldy.

Qys mezgiliniń basynan bastap 372,5 myń reıs arqyly qaladan 5 mln tekshe metrden astam qar shyǵaryldy.

Qala turǵyndarynyń qaýipsizdigi úshin joldarǵa, trotýarlar men kóshelerge qum-tuz qospasy sebiledi. Sonymen qatar, kommýnaldyq qyzmetter trotýarlardy muzdan qolmen tazartady.

«Qazgıdromet» sınoptıkteriniń málimetinshe, 23 aqpan kúni elordada aýa raıy jaýyn-shashynsyz bolyp, kóshpeli bult shyǵady. Soltústik-shyǵystan soqqan jeldiń jyldamdyǵy – 2-7 m/s. Aýa temperatýrasy túnde – 26-28, kúndiz – 15-17 gradýs aıaz.