Astanada qar tazalaýǵa 1200-den astam arnaıy tehnıka jumyldyryldy

<p>ASTANA. KAZINFORM &ndash; Elordada qar tazalaýǵa 1 200-den astam arnaıy tehnıka jumyldyryldy. Bul týraly Astana qalasynyń ákimdigi jazdy.&nbsp;</p>

Elordalyq kommýnaldyq qyzmetter qar kúreý boıynsha kúsheıtilgen jumysty jalǵastyrýda. 28 aqpan kúni tańerteń qalany tazalaýǵa 2 400-den astam jol jumysshy men 1 200-den astam arnaıy tehnıka shyqty.

27 aqpannan 28-ine qaraǵan túni qaladan 31,9 myń tekshe metr qar shyǵaryldy, bul 2 300-den astam aýyr júk kóligin quraıdy.

Qys mezgiliniń basynan beri elordadan 400 myńǵa jýyq reıs arqyly polıgondarǵa 5,4 mln tekshe metr qar shyǵaryldy. 

Turǵyndardyń qaýipsiz júrýi úshin kún saıyn trotýarlarǵa, joldar men alańdarǵa qum-tuz qospasy sebiledi. Sonymen qatar kommýnaldyq qyzmetkerler trotýarlardyń muzyn qolmen tazartady.