Astanada qar da qapalaqtap jaýyp tur, qar kúreý de qaýyrt júrip jatyr

<p>Astanada 1600-den astam arnaıy tehnıka men 2400-den astam jumysshy kúndizgi aýysymda kóshelerdegi qardy kúreýge shyqty. Qardyń mol jaýýyna baılanysty jumys táýlik boıy júrgizilip jatyr, dep habarlaıdy elorda ákimdiginiń resmı saıty.</p>

9 qańtardan 10 qańtarǵa qaraǵan túni shamamen 50 myń tekshe metr qar shyǵaryldy, bul 3444 júk kóligi reısine teń.

Qys mezgiliniń basynan bastap elordada 1 654 224 tekshe metr qar shyǵaryldy, bul 121 myńnan astam aýyr júk reısin quraıdy.

Qalada jınalǵan qar arnaıy polıgondarǵa shyǵarylady.

Elordada birneshe jabdyqtalǵan qar polıgony jumys isteıdi. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.

«Qazgıdromet» RMK boljamy boıynsha Astanada 10 qańtarda kún bultty, túnde qar, kúndiz jaýyn-shashyn (negizinen qar), boran bolady.

Kúndiz kóktaıǵaq. Ońtústik-batysqa aýysatyn ońtústik-shyǵys jel 9-14 m/s, ekpini 15-20 m/s, kúndiz 23-28 m/s.

Aýa temperatýrasy túnde -16-18, kúndiz -1-3 aıaz.