Astanada qańtar aıynan koronavırýstyń 83 myń jaǵdaıy tirkeldi
Departamenttiń baspasóz qyzmeti taratqan málimet boıynsha, elordada bir táýlikte vırýsty juqtyrýdyń 366 jaǵdaıy tirkelgen. Onyń ishinde 270 jaǵdaı sımptomdy, 96 – sımptomsyz.
«Keıingi aptada COVID-19 juqtyrýdyń 4 409 jaǵdaıy tirkeldi. Aldyńǵy aptamen salystyrǵanda (13 627 jaǵdaı) jaǵdaılardy tirkeý sany 3 ese azaıdy. KVI-men aýyrǵandardy barynsha anyqtaý maqsatynda qalada 24 zerthana jumys isteıdi. Olarda táýligine 11 myńnan astam PTR zertteý júrgiziledi. Jyl basynan beri 282 114 zertteý júrgizilip, 83 351 synamadan syrqat tabyldy. Onyń ishinde qaıtalama taldaýlar júrgizildi», - delingen vedomstvo habarlamasynda.
Departamenttiń deregine súıensek, «omıkron» shtamynyń áserinen qańtar aıynyń basynan 7 aqpanǵa deıingi aralyqta qalada koronavırýs juqtyrýdyń 83 067 jaǵdaıy tirkelgen.
«Bul – pandemııa kezindegi rekordtyq aılyq kórsetkish. Alaıda, patsıentterdi statsıonarlarǵa jatqyzý qarqyny aıtarlyqtaı qalypty. Bul, eń aldymen, vaktsına alǵan turǵyndar men qaıta aýyryp shyqqan ımmýnıteti bar adamdardyń úlesi kóbeıgenin kórsetedi», - delingen resmı málimette.
Departament mamandary astanalyqtardan áli de bolsa aınalasyndaǵy adamdardyń densaýlyǵyna jaýapkershilikpen qaraýdy surap otyr.
«Qazirgi tańda qala boıynsha koronatsırıasqa qarsy vaktsınanyń 1 komponentin sany 502 318 adam, 2 komponentin 469 602 adam qabyldady. Revaktsınatsııa qatary alý múmkindigi bar 69 077 adam nemese tıisti toptyń 28,2%-yǵana ekpe aldy. Koronavırýs ınfektsııasyna qarsy ımmýndaý, eń aldymen, balalar men qart ata-analardyń densaýlyǵy úshin mańyzdy.
Elordanyń sanıtarııalyq-epıdemıologııalyq baqylaý departamenti maska rejımin qatań saqtaý kerektigin eske salady», - dep jazylǵan departamenttiń aqparatynda.