Astanada qansha adam turǵyn úı kezeginde tur
«Astanada turǵyn úıge kezeginde 40 872 adam tur. Onyń ishinde baspana kezeginde turǵan 2 685 jetim jáne ata-anasynyń qamqorlyǵynsyz qalǵan bala bar. Memleketten beriletin turǵyn úıdiń 20% halyqtyń áleýmettik osal topqa jatady», - dedi Kommýnaldyq ınfraqurylymdy damytý basqarmasy basshysynyń orynbasarynyń mindetin atqarýshy Baqytjan Jolmuqan máslıhat janyndaǵy qoǵamdyq keńes otyrysynda.
Ákimdik ókiliniń aıtýynsha, qazir jetim balalarǵa 173 páter berý jaǵy qarastyrylyp jatyr.
«Ótken jyly jazda turǵyn úıge kezeginde 48 myń adam turǵan, búginde 40 myń adamdy quraıdy», - dep tolyqtyrdy ókil.
Eske sala ketsek, elorda ákimi Jeńis Qasymbek Kazinform agenttigine bergen suhbatynda turǵyn úı máselesin qozǵaǵan edi.
Shahar basshysynyń aıtýynsha, sońǵy eki jyl ishinde qurylysy uzaqqa sozylǵan 140-tan astam turǵyn úı kesheni aıaqtaldy.