Astanada qalalyq Tilder festıvaliniń ashylý saltanaty ótti

ASTANA. QazAqparat - Qazaqstan halqy tilderiniń kúnine oraı elordada XVІІ qalalyq Tilder festıvali ótkizildi. Merekelik shara Qazaq handyǵynyń 550 jyldyǵyna, Qazaqstan Respýblıkasy Konstıtýtsııanyń 20 jyldyǵy men Qazaqstan halqy Assambleıasynyń 20 jyldyǵyna oraı uıymdastyryldy, dep habarlady qalalyq ákimdiktiń baspasóz qyzmetinen.

Festıvaldiń ashylý saltanatyna Astana qalasy ákiminiń orynbasary Ermek Amanshaev qatysty. Atalǵan sharanyń maqsaty - qazaqstandyqtardyń boıynda patrıottyq sezimdi oıatý, halyq dostyǵy men birligin, jastar arasynda elimizdiń damýyna úles qosýdy nasıhattaý. Merekelik sharada qazaqstandyq estrada juldyzdary óner kórsetti. 16 qyrkúıekte saǵat 17.00 «Mega» SOO «Úzdik jarnama» baıqaýy uıymdastyrylady. 18 qyrkúıekte QR Prezıdenti janyndaǵy Memlekettik qyzmet akademııasynda «Memlekettik til - memlekettik qyzmette» atty baıqaý ótedi. 22 qyrkúıekte saǵat 18.00 «Tilep qobyz saraıy» kontsert zalynda Qazaq handyǵynyń 550 jyldyǵyna arnalǵan «Tarıh pen til tamyrlas» atty aqyndar músháırasy ótedi. Qazaqstan halqy tilderiniń XVII festıvaliniń jabylýy 24 qyrkúıekke belgilengen. Osy kúni tańǵy saǵat 10.00-nan 22.00 deıin qoǵamdyq kólikter, medıtsına mekemeleri men saýda ortalyqtarynda «Biz memlekettik tilde qyzmet kórsetemiz» atty aktsııa uıymdastyrylmaq. Festıvaldiń jabylý saltanaty aıasynda qalalyq alańda «Til tutastyǵy - el tutastyǵy» atty gala-kontsert ótedi.