Astanada qalalyq sot keńsesiniń qyzmetkerlerine arnalǵan jataqhana ashyldy (FOTO)
16:24, 17 Jeltoqsan 2014
ASTANA. QazAqparat - Astana qalalyq sotynyń basshylyǵymen Joǵarǵy Sottyń qoldaýymen qyzmetkerlerdi yntalandyrý maqsatynda alǵash ret arnaıy jabdyqtalǵan jataqhana túrindegi ǵımarattyń ashylý rásimi ótti.
Sharaǵa Qazaqstan Respýblıkasy Senaty Parlamentiniń depýtaty B.Beknazarov, Astana qalalyq sotynyń tóraǵasy T.Bárpibaev, keńse basshysy R.Taýymbekov jáne Astana qalalyq sottarynyń qyzmetkerleri qatysty. Qyzmetkerlerdi, ásirese jeke mamandardy turǵyn úımen qamtý sot júıesiniń memlekettik qyzmetkerlerdi áleýmettik qoldaý baǵytyndaǵy basymdyqtarynyń biri bolyp tabylady. Bólingen turǵynjaı 92 mamannyń arasynda úlestirilip, kópshiligi mektep jasyndaǵy balalary bar otbasylyq juptarǵa tıesili boldy. Atalmysh jataqhana 4 qabattan jáne 71 bólmeden turady. Onda ómir súrýge qolaıly barlyq jaǵdaı jasalǵan, dep habarlanǵan QR Joǵarǵy sotynyń saıtynda.