Astanada qalalyq alańdarda merekelik kontsertter ótip jatyr (FOTO)
Sahnada Oqýshylar saraıynyń tárbıelenýshileri óner kórsetip, án men bıden shashý shashty. Kishkentaı kórermender kóńildi qýyrshaqtarmen bı bılep, kóńil kóterdi, dep habarlaıdy astana.kz . Astana ákimdiginiń aldyndaǵy qalalyq alańda «Astana samaly» festıvali aıasynda úrmeli aspaptar orkestrleriniń plats-kontserti kópshilik úshin tamasha tartý boldy. Alańda Astana qalasynyń ákimdigi Memlekettik akademııalyq fılarmonııasynyń úrmeli aspaptar orkestri, Ulttyq Ulan ortalyq úrmeli aspaptar orkestri, Shyǵys Qazaqstan oblystyq fılarmonııasynyń úrmeli aspaptar orkestri jáne Omby fılarmonııasynyń úrmeli aspaptar orkestri óner kórsetti. Kúnniń ekinshi jartysynda úrmeli aspaptar orkestrleri «Stýdenttik», «Ǵashyqtar» jáne «Jeruıyq» saıabaqtarynda ár túrli mýzykalyq shyǵarmalar oryndady, sharany tamashalaýshylarǵa marshtardan bólek, valstar men zamanaýı kompozıtsııalardyń ınterpretatsııasy usynyldy. «Astana samaly» festıvaliniń barlyq ujymdary 6 shilde kúni saǵat 10:00-de Respýblıka dańǵyly boıynda «Astana» Ulttyq sýret galereıasynan qalalyq alańǵa deıin júrip ótetin qorytyndy sherý-kontsertke qatysady. Eske sala keteıik, Astana kúni qurmetine qala turǵyndary men qonaqtary úshin 100-den astam shara ótedi, olardyń kópshiligi ashyq alańdarda bolady. Mereke kúnderi qalalyq saıabaqtar, alańdar men shaǵyn baqtarda oıyn-saýyqtyq kontserttik baǵdarlamalar uıymdastyrylady.