Astanada qala mańyna qatynaıtyn eki avtobýs ýaqytsha toqtady

<p>ASTANA. KAZINFORM &mdash; City Transportation Systems mekemesiniń baspasóz qyzmeti málim etkendeı, atalǵan shekteýler aýa raıynyń nasharlaýyna baılanysty engizildi.</p>

— Aýa raıynyń nasharlaýyna baılanysty qala mańyna qatynaıtyn № 317, 329 baǵdarlarynyń qozǵalysy ýaqytsha toqtatyldy. Basqa qala mańyna qatynaıtyn baǵdarlar lınııada. Qoǵamdyq kólik qozǵalysy boıynsha barlyq ózgeristerdi @cts_kz paraqshamyzdan baqylańyz, — delingen mekeme taratqan habarlamada.

Eske salsaq, buǵan deıin «QazAvtoJol» UK baspasóz qyzmeti qazirgi ýaqytta qandaı respýblıkalyq joldar ashyq ekenin aıtty.

Sonymen qatar, Astanada 9 qarashadan bastap bes baǵytqa qosymsha avtobýstar qosylyp, reıster arasyndaǵy aralyqtardy úsh mınýtqa qysqartatyny habarlandy.