Astanada «KADEX-2016» halyqaralyq qarý-jaraq pen áskerı-tehnıkalyq múlik kórmesi aıaqtaldy (FOTO)

ASTANA. QazAqparat - 5 maýsym kúni Astanada QR Qarýly Kúshteriniń avıatsııalyq bazasynda IV halyqaralyq «KADEX-2016» qarý-jaraq pen áskerı-tehnıkalyq múlik kórmesi aıaqtaldy. Avıatsııalyq bazada tý túsirildi, bul «KADEX-2016» kórmesiniń jabylýyn bildiredi, dep habarlady QR QM baspasóz qyzmeti.

Myńdaǵan kelýshiler, ondaǵan qol qoıylǵan kelisimder, ashyq jáne jabyq alańdarda usynylǵan áskerı tehnıkanyń júzdegen úlgileri, qazaqstandyq jáne sheteldik fototilshilermen túsirilgen myńdaǵan túsirilim. Munyń barlyǵy «KADEX-2016» kórmesi týraly adamdardyń esińde uzaqqa deıin saqtalady.

4 kún ishinde qazaqstandyq jáne sheteldik qorǵanys-ónerkásibi kesheniniń kúsh-qýaty kórsetildi. Atap aıtqanda, ZLIN  oqý ushaqtary, C-295 jeńil kólik ushaqtary, Sý-30 SM joıǵyshtary, Mı-171Sh tikushaqtary, ushqyshsyz ushý apparattary, «Arlan», «Barys» brondalǵan mashınalary, jańǵyrtylǵan tankter - osynyń barlyǵyn jáne kóptegen ózge de qyzyqtardy statıka men is-qımylda kórýge múmkindik boldy.

Odan basqa, kórmeniń mańyzdy quramdasy iskerlik baǵdarlama, ıakı,  halyqaralyq áskerı ǵylymı-tehnıkalyq konferentsııa, tusaýkeserler, dóńgelek ústelder boldy. Demonstratsııalyq jáne iskerlik baǵdarlamalar negizgi mindetke qol jetkizýge, ıaǵnı, qorǵanys-ónerkásibi keshenin qarqyndy damytýǵa, ınvestıtsııalardy tartýǵa, jetekshi halyqaralyq óndirýshilermen áskerı-tehnıkalyq yntymaqtastyqty nyǵaıtýǵa baǵyttaldy.

Ashyq esik kúnderi, ıaǵnı, 4-5 maýsymda kórmege adamdar kóptep shoǵyrlandy.  Qazaqstan men ózge elderdiń qorǵanys-ónerkásibiniń áleýetin kórý úshin qonaqtar búkil otbasy bolyp jınaldy.

Eger eresekter eksponattardyń tehnıkalyq sıpattamalaryn zerdelep, qoıylǵan úlgilerdi salystyrsa, balalar emin-erkin tankterdiń, bronevıkterdiń, ushaqtar men tikushaqtardyń shynaıy túptulǵalaryn tamashalap, rahatqa bólendi.

Kórmeni tamashalaýǵa nıet bildirgenderdiń barlyǵy kórmege avtobýspen kelýge múmkindikteri boldy. Kelýshilerdiń qoljetimdi baǵaǵa tiske basar alyp, áldenip alýlary úshin býfet jáne saýda dúńgirshekteri jumys jasady. Kórme qonaqtary úshin ortalyq áskerı orkestrdiń mýzykanttary plats-kontsert qoıyp, qurmet qaraýyly rotasy óz ónerlerin ortaǵa saldy.  

Іs-sharanyń aýqymdylyǵy brondy tankti tehnıka, meıli, qarý-jaraqtyń ózge de túrleri bolsyn, olardyń paıdalaný ǵana emes, sonymen birge jaýyngerlik qasıetterin kórsetýge múmkindik berdi.