Astanada Qabanbaı batyr dańǵylynda qozǵalys bes jolaqty bolady
Ákimdikte udaıy qala basshysy Áset Isekeshevtiń tóraǵalyǵymen elordanyń kóliktik keshenin damytý boıynsha jınalys ótip turady. Sondaı otyrystardyń birinde joldardaǵy júktemeni azaıtý úshin naqty usynystar aıtyldy. Sonymen qatar Qabanbaı batyr dańǵyly boıynda jol qozǵalysyn uıymdastyrý talqylandy.
Kún sýyǵansha qoǵamdyq kólik qozǵalysynyń tıimdiligin arttyrý maqsatynda, sondaı-aq qalanyń kóshe joldaryndaǵy júktemeni azaıtý aıasynda Qabanbaı batyr dańǵyly boıynda Syǵanaq kóshesinen oramdy jol aıryǵyna deıingi aýmaqta «Bus lane» qoǵamdyq kólikteri úshin qoldanystaǵy jolaqtardy saqtaı otyryp, besjolaqty qozǵalys engizilýde. Dańǵyldyń geometrııalyq parametrleri belgini ózgerte otyryp, bul sheshimdi qabyldaýǵa múmkindik beredi.
Búgingi tańda bul jer arqyly 27 baǵyt 340 myń adam jolaýshylar aǵynyn qamtyp ótedi. «Bus lane» jobasy baǵyttardyń tıimdiligin 25 %-ǵa arttyryp, óziniń tıimdiligin kórsetti. Kútý ýaqytyn, joldaǵy ýaqytty qysqartyp, avtobýstardy paıdalaný merzimin uzartty.
Qabanbaı batyr dańǵylymen táýligine 46 myńǵa jýyq kólik júrip ótedi. Atalǵan ýchastkede qaladan shyǵa beriste jıi keptelis oryn alady. Osyǵan baılanysty qaladan shyǵa beris baǵytta qosymsha jolaq salý sheshimi qabyldandy. Aıta ketý kerek, jańa oqý jylynyń basynan qalada trafık qarqyny 15 %-ǵa ulǵaıady dep kútilýde.