Astanada Iran-Ǵaıyptyń «Qorqyt» spektakli qoıyldy

ASTANA. QazAqparat - 10 tamyz kúni Astanada «EKSPO-2017» halyqaralyq mamandandyrylǵan kórmesi aıasyndaǵy Qyzylorda oblysynyń mádenı kúnderiniń saltanatty ashylýy Nartaı Bekejanov atyndaǵy qazaq mýzykalyq drama teatry ónerpazdarynyń «Qorqyt» qoıylymymen bastaldy.

Maksım Gorkıı atyndaǵy memlekettik akademııalyq orys drama teatryndaǵy sharaǵa  Qyzylorda oblysynyń ákimi Qyrymbek Kósherbaev, Parlament depýtattary men bir top zııaly qaýym ókilderi qatysty.

 

Syr eliniń tarıhy men tanym-taǵylymyn sıpattaıtyn barsha Túrki áleminiń abyzy - Qorqyttyń ómirin sóz óneriniń asyl qudiretimen jetkizgen qoıylymnyń avtory jerlesimiz, aqyn, dramatýrg - Iran-Ǵaıyp bıyl 70 jasqa tolyp otyr. Osyǵan oraı Qyzylorda oblysynyń ákimi Qyrymbek Kósherbaev mereıtoı ıesin qýanyshymen quttyqtady.



Sepektakldiń rejısseri - Qazaqstannyń eńbek sińirgen qaıratkeri, Ámir-Temir Huseıin, sýretshisi - Qazaqstannyń eńbek sińirgen qyzmetkeri Serik Pirmahan.

   

Dál osy kúni «Syr shejiresi» atty qolóner sheberleriniń jáne oblystyń tarıhy men mádenıetine arnalǵan kórme ashyldy.
Esterińizge sala keteıik, Astanada «EKSPO-2017» halyqaralyq mamandandyrylǵan kórmesi aıasynda 10-14 tamyz kúnderi Qyzylorda oblysynyń mádenıet kúnderi ótýde.