Astanada ınvestorlar qarajatyna 12 jyly aıaldama salyndy
Astanada jergilikti ınvestorlar qarajatyna salynǵan 12 jyly aıaldama jumys istep tur. «Astana» ÁKK» AQ-niń basqarma tóraǵasynyń birinshi orynbasary Baýyrjan Kankın jýyrda osy salada sheteldik ınvestordyń paıda bolǵanyn jetkizdi. Al qalǵandary - Astananyń bıznes ókilderi.
B. Kankınniń túsindirýinshe, ınvestorlar óz salymdaryn aıaldamada kommertsııa júrgiziletin pavılondar arqyly jáne jarnamalyq bannerlerdi ornalastyrý esebinen aqtaıtyn bolady.
«Aıaldamalarda Wi-Fi qyzmetin usynatyn ınfestorlar bar jáne ony olar óz taýaryn jáne qyzmetin satý baǵytynda qoldanady. Sondaı-aq, aıaldamalarǵa termınaldar, apparattar qoıylady, ınvestor jalǵa berý esebinen de paıda kóredi», dedi Kankın.
Avtobýs aıaldamasyndaǵy kommýnaldyq shyǵystardy da ınvestor tóleıdi. Al aıaldama ornalasqan jer telimi 10 jylǵa jalǵa beriledi.
Eske sala keteıik, keshe Jaǵalaý shaǵyn aýdanynda AQSh ınvestory qarjysyna salynǵan Your I-Stop «aqyldy ári jyly» aıaldamanyń ashylýy ótti. «Esil» aýdany ákimdiginiń qoldaýymen aıaldamaǵa kommýnıkatsııa tartylǵan. Pavılondy Astanada otandyq kásiporyn daıyndaǵan.
Al 2019 jyldyń sońyna deıin qalada osyndaı 50 aıaldama ashylady dep josparlanýda.