Astanada ınternet arqyly qundyz ton satqan alaıaq ustaldy
Qalalyq polıtsııa departamentiniń málimetinshe, 23 jastaǵy boıjetken Instagram jelisinde qundyz ishik pen teri tondar satatyyny jóninde jalǵan paraqsha ashyp, olardyń baǵasyn óte tómen kórsetip otyrǵan. Satyp alýshylardy tartý úshin qundyz ishikterdiń ádemi sýretteri men jalǵan mekenjaı kórsetilgen saýda ortalyqtarynyń ataýyn jazǵan.
Keıin daýysyn tanyp qoımaýy úshin satyp alýshylarmen áńgimeni tek Ýatsap messendjderi arqyly júrgizgen.
Taýardy úıge deıin jetkizip beretinine sendirip, taýardyń aqysyn 100% kólemde Qiwi ámııanǵa aýdarýǵa kóndirgen.
«Jarnamaǵa senip qalǵandar 100 myńnan 300 myń teńgege deıin somany boıjetkenniń shotyna aýdarǵan. Aqshany alysymen ol telefon nómirin buǵattap, jelidegi paraqshasy men uıaly telefonyn óshirip tastap otyrǵan. Nátıjesinde ol jeti adamnyń 1,5 mln teńgesin ıemdengen. Qazir QR Qylmystyq kodeksiniń 109-baby 2 tarmaǵyna sáıkes (alaıaqtyq) sotqa deıingi tergeý júrgizilip jatyr», - delingen habarlamada.