Astanada «Integratsııa: til, mádenıet, salt-dástúrler» atty halyqaralyq bilim berý jobasynyń tusaýkeseri ótedi

ASTANA. 23 maýsym. QazAqparat - Osy jyldyń 25 maýsymynda saǵat 15.00-de Astana qalasyndaǵy Ulttyq akademııalyq kitaphanada («Májilis» zaly) ǵylymı-zertteý akademııasy jáne «Tildaryn» tilderdi oqytý ınnovatsııalyq tehnologııalarynyń

ádistemelik ortalyǵy ázirlegen jańa ádisteme boıynsha memlekettik tildi jedeldetip oqytý jazǵy til mektebi negizinde  ótetin «Integratsııa: til, mádenıet, salt-dástúrler» atty halyqaralyq bilim berý jobasynyń tusaýkeseri ótedi. «Qazaqstan halqy Assambleıasy qory» Qoǵamdyq qory janyndaǵy «Tildaryn» tilderdi oqytý ınnovatsııalyq tehnologııalarynyń  ádistemelik ortalyǵy, álemge áıgili lıngvıst Dmıtrıı Petrovtyń tájirıbesi negizinde memlekettik tildi jedeldetip oqytýdyń biregeı ádistemesin ázirledi. Bul týraly «Tildaryn» tilderdi oqytý ınnovatsııalyq tehnologııalarynyń  ádistemelik ortalyǵynyń baspasóz qyzmeti habarlaıdy.

«Tildaryn» ınnovatsııalyq ádistemesiniń tusaýkeseri Astana, Atyraý, Pavlodar, Almaty, Qaraǵandy, Oral, Kókshetaý qalalarynda  ótedi. Usynylǵan ádisteme memlekettik tildi oqytýshylar, bilim berý qyzmetkerleri men lıngvıstter arasynda kóp qyzyǵýshylyqtar tanytty.

«Qazaqstan halqy Assambleıasy qory» Qoǵamdyq qory janyndaǵy «Tildaryn» tilderdi oqytý ınnovatsııalyq tehnologııalarynyń  ádistemelik ortalyǵy «LSEGroup» bilim berý ortalyǵymen birigip, biregeı ádistemeni damytý maqsatynda 2012 jyldyń 15 maýsymynan  6 qyrkúıek aralyǵynda Túrkııanyń Kemer qalasynda ótkiziletin «Integratsııa: til, mádenıet, salt-dástúrler» atty eń aýqymdy halyqaralyq jobaǵa qatysty.

Jobaǵa Qazaqstan, Reseı, Túrkııa, Chehııa, Shveıtsarııa elderinen 800-ge jýyq ókilderi qatysty.