Astanada ınklıýzıvti bilim alýshylarǵa arnaıy jabdyqtalǵan kabınet ashyldy

<p>ASTANA. KAZINFORM&nbsp;&mdash; Álıhan Bókeıhan atyndaǵy № 76 mektep-lıtseıinde Astana qalalyq bilim basqarmasy jáne &laquo;Samuryq-Qazyna&raquo; kompanııasy ókilderiniń qoldaýymen ınklıýzıvti bilim alýshylar úshin arnaıy jabdyqtalǵan kabınettiń ashylý saltanaty ótti. &laquo;Bar meıirim balaǵa&raquo; degen ataýmen ótken is-sharaǵa ata-analar belsendi qatysyp, ıgi iske atsalysqan azamattarǵa alǵysyn bildirdi.</p>

Foto: Astana qalasynyń ákimdigi

Inklıýzııa — erekshe bilim berýge qajettiligi bar balalarǵa tolerantty qarym-qatynasty qalyptastyrý.

Foto: Astana qalasynyń ákimdigi

Al, ınklıýzıvti bilim berý — ártúrlilikti, tarqata aıtsaq, ár túrli qajettilikter men qabiletterdi, oqýshylar men qaýymdastyqtardy oqytýdaǵy sıpattamalar men úmitterdi eskere otyryp, barlyǵyna sapaly bilim berýdi qamtamasyz etýge, kemsitýshiliktiń barlyq nysandaryn joıýǵa baǵyttalǵan jalpy bilim berýdi damytýdyń úzdiksiz protsesi.

Foto: Astana qalasynyń ákimdigi

Álıhan Bókeıhan atyndaǵy № 76 mektep-lıtseı mektebiniń basshylyǵynyń aıtýynsha úzdiksiz protses nátıjeli jalǵasyn tabýy úshin bıylǵy oqý jylynda atalǵan mektepte barlyq oqýshyǵa qolaıly jaǵdaı jasalǵan. Onyń ishinde erekshe oqýshylarǵa arnaıy kabınetter jasaqtaldy.

Foto: Astana qalasynyń ákimdigi

Onda zamanaýı arnaıy qural-saımandar, ádistemelik-praktıkalyq quraldar men qysqasy ne kerektiniń bári bar. Endigi jerde balalar qúrylǵylardyń kómegimen aınalany tanyp-bilip, bilimin jetildire alady.

Foto: Astana qalasynyń ákimdigi

Búgingi is-sharadan oqýshylardyń júzderi jarqyrap, ózderi úshin jasalyp jatqan ıgi isti qýanyshpen qabyldap jatqanyn emotsııalarynan-aq ańǵarý qıyn bolmady. Sondaı-aq, ata-analardyń tarapynan da mektep ujymyna degen shynaıy yqylastary baıqaldy.

Foto: Astana qalasynyń ákimdigi

Ata–analardyń biri Uljamal Jandarqyzy ıgi iske muryndyq bolǵan jandarǵa rızashylyǵyn bildirip, barlyq ata-ananyń atynan alǵysyn jaýdyrdy.

Foto: Astana qalasynyń ákimdigi

«Árıne, mundaı ıgi istiń bizdiń mektebimizde júzege asyp jatqany - qýantarlyq sharýa. Kózimizden qýanyshtyń jasy shyǵyp, máz-meıram bolyp jatyrmyz. Erekshe balalar úshin jasalǵan ár is saýapqa toly ekenin aıtqym keledi. Bul rette, osy mańyzdy jumysqa atsalysqan barlyq azamattarǵa alǵysymdy bildiremin. Jalpy, sońǵy jyldary elimizde erekshe bilim berýge qajettiligi bar balalarǵa barlyq qolaıly jaǵdaı jasalyp jatqanyn atap ótken jón. Sáıkesinshe, erekshe balalar ózderin qoǵamnan oqshaý sezinbeı, qalypty ómir súrýge beıimdelip keledi», — dedi ol.

Foto: Astana qalasynyń ákimdigi

Aıta keteıik, elimizde ınklıýzıvti bilim berý salasynda psıhologııalyq-pedagogıkalyq qoldaýdyń 3 deńgeıli modeli engiziledi.

Foto: Astana qalasynyń ákimdigi

Áýeli pedagog balanyń jeke erekshelikterin eskerip oqytady. Nátıje bermese, arnaıy mamandar jumyldyrylmaq.

Foto: Astana qalasynyń ákimdigi

Foto: Astana qalasynyń ákimdigi