Astanada «Indýstrııalyq revolıýtsııa - «jasyl» ekonomıkaǵa kóshý» atty sessııa ótedi

ASTANA. 4 mamyr. QazAqparat - 24 mamyr kúni VI Astana ekonomıkalyq forým aıasynda elimizdiń qorshaǵan ortany qorǵaý mınıstrligi men ekonomıka jáne bıýdjettik josparlaý mınıstrligi birlesip «Indýstrııalyq revolıýtsııa - «jasyl» ekonomıkaǵa kóshý» atty paneldik sessııasyn ótkizedi,

dep habarlaıdy QR QOQM baspasóz qyzmeti.

Sessııa jumysyna QR qorshaǵan ortany qorǵaý mınıstri Nurlan Qapparov, QR ekonomıka jáne bıýdjettik josparlaý Vıtse-mınıstri Mádına Ábilqasymova, Azııa jáne Tynyq muhıt úshin ekonomıkalyq jáne áleýmettik komıssııanyń atqarýshy hatshysy Noelın Heızer, Eýropalyq Investıtsııalyq Banktiń Vıtse-prezıdenti Vılgelm Molterer jáne basqalar qatysady.

Sessııanyń moderatory retinde BUU Eýropalyq ekonomıkalyq Komıssııasynyń Atqarýshy hatshysy Sven Alkalaı shaqyryldy.

Sessııa barysynda «jasyl» ekonomıkanyń negizgi sıpattamalary, onyń jolynda turǵan kedergiler, shet elderdiń «jasyl» ekonomıkaǵa ótý tájirıbesi jáne basqa da kókeıtesti máseleler talqylanbaq. Basqosýdaǵy talqylaýlar nátıjesi retinde Rıo+20 Sammıtiniń sheshimderin iske asyrýǵa baǵyttalǵan naqty qadamdar boıynsha usynystar beriledi, dep jazady BNews.kz.