Astanada INDIGO elektrondy portalyna 50 myńǵa jýyq bala tirkelgen

<p>ASTANA. KAZINFORM &ndash; Astanada jalpy 69 953 balany qamtıtyn 546 mektepke deıingi bilim berý nysany bar. Bul týraly elorda ákimdiginiń resmı saıty jazdy.</p>

Astana qalasy Bilim basqarmasy basshysynyń orynbasary Serik Ádilbaev ÓKQ brıfınginde mektep jasyna deıingi balalar kontıngenti jyl saıyn týý kórsetkishi men kóshi-qon protsesteriniń ósýi esebinen artyp kele jatqanyn atap ótti.

Búgingi tańda INDIGO elektrondy portalynda: 

— 0 jastan 6 jasqa deıin-mektep jasyna deıingi 47 899 bala;
— 2 jastan 6 jasqa deıin — 37 596 bala tirkelgen.

«Elordada 352 balany qamtıtyn 3 arnaıy balabaqsha jumys isteıdi, ıntellekt, kórý, estý qabileti buzylǵan, psıhıkalyq damýy tejelgen jáne sóıleý qabileti nashar balalarǵa arnalǵan 24 arnaıy topta 506 bala arnaıy bilim alady, 78 mektepke deıingi uıymdarda 1004 balany qamtıtyn ınklıýzıvti bilim berý toptary ashylǵan. Erekshe bilim berý qajettilikteri bar balalar INDIGO elektrondy júıesinde, arnaıy mektepke deıingi uıymdarǵa, balabaqshalar janyndaǵy túzetý jáne sanatorıı toptaryna joldama alady. Aǵymdaǵy kezeńdegi jaǵdaı boıynsha túzetý kezeginde júıede arnaıy bilim alýǵa muqtaj 964 bala tirkelgen», — dedi ol.

Onyń ishinde erekshe bilim berý qajettilikteri bar balalar úshin elordada 8 psıhologııalyq-medıtsınalyq-pedagogıkalyq konsýltatsııa jumys isteıdi. Osylaısha, balalar psıhologııalyq-pedagogıkalyq túzetýdiń 4 kabınetinde, 2 ońaltý ortalyǵynda jáne «Asyl Mıras» Aýtızm ortalyǵynda psıhologııalyq-pedagogıkalyq qoldaý alady.

Aıta keteıik, 2024 jylǵy 1 qańtardan bastap PMPK-da tekserýge jazylý birge.astana.kz saıtynda júzege asyrylady.

Sondaı-aq «Árbir bala mektepke laıyq» jobasy aıasynda 8 balabaqshada emotsıonaldy-erikti salasy buzylǵan jáne minez-qulqy (aýtızm) buzylǵan balalarǵa jalpy 90 balany qamtıtyn ınklıýzııany qoldaý kabınetteri ashyldy.

Aldaǵy ýaqytta balabaqshalarda qosymsha ınklıýzııany qoldaý kabınetterin № 35, № 63, № 86, № 98, sondaı-aq № 8, № 30, № 76 úsh shaǵyn ortalyqtyń janynda ashý josparlanyp otyr.

Sonymen qatar 1 qyrkúıekten bastap jumys istep turǵan 20 mektepke deıingi uıymda 120 balany qamtı otyryp, erekshe bilim berý qajettiligi bar balalarǵa arnalǵan qosymsha ınklıýzııany qoldaý kabınetterin ashý josparlanýda. Onyń ishinde qosymsha engiziledi.