Astanada halyqaralyq joǵary bilim kórmesi ótti

ASTANA. QazAqparat – Elordada joǵary bilimge arnalǵan «International Education Fair-2022» atty halyqaralyq kórme uıymdastyryldy. Kórmede qazaqstandyq talapkerlerge bilim baǵdarlamalaryn usynatyn elimizdiń úzdik JOO-lary men JOO-ǵa joldama alatyn oqýshylar jınaldy, dep habarlaıdy QazAqparat tilshisi.

Talapkerlerge arnalǵan kórmede álemniń 30 elinen 60-qa jýyq joǵary oqý oryndary bilim berý baǵdarlamalaryn usyndy.

«Kórme uıymdastyrýshylaryna erekshe alǵysymyzdy aıtamyz. Bul - mektep oqýshylary, kolledj túlekteri úshin úlken múmkindik. Kórme 2017 jyldan beri uıymdastyrylyp keledi. Bıyl kórmege 10 myńǵa jýyq túlek qatysyp jatyr», - dedi Astana qalasy bilim basqarmasynyń basshysy Qasymhan Senǵazıev.

Shara barysynda JOO ókilderi ózderiniń bilim baǵdarlamalary jáne qazaqstandyq túlekterge arnalǵan artyqshylyqtar, jeńildikter týraly áńgimelep berdi.

Sondaı-aq, talapkerlerge jadynamalar men JOO atynan estelik syılyqtar tabys etildi.

«Halyqaralyq kórme pandemııaǵa deıin jyl saıyn oflaın formatta ótip keldi. Karantın kezinde onlaın ótti. Araǵa eki jyl salyp qaıta qaýyshyp otyrmyz. Sheteldik joǵary oqý oryndaryna túskisi keletin oqýshylar sany kóp. Osy kórme elordadan bólek Shymkent pen Almatyda uıymdastyrylady. Jyl saıyn bizdiń ortalyq arqyly 5 myńnan astam talapker shetelde oqýǵa túsedi. Kóp tańdalatyn el Túrkııa jáne Italııa. Búgingi kórmege túrli elder joǵary oqý oryndarynyń ókilderi qatysyp otyr. Qatysyp jatqan oqý oryndarynyń deni tehnıkalyq mamandyqtardy oqytady. Buǵan deıin Memleket basshysy elimizge tehnıkalyq mamandardy daıarlaý qajettigi týraly aıtqan bolatyn. Odan bólek, gýmanıtarlyq jáne medıtsınalyq joǵary oqý oryndarynyń ókilderi bar», - deıdi «UNIVERO» bilim berý ortalyǵynyń basshysy Aızada Qoıgeldınova.

Aıta keteıik, «International Education Fair-2022» halyqaralyq kórmesine óz elimizden bólek, AQSh, Qytaı, Malaızııa, Italııa, Chehııa, Polsha, Latvııa, Ispanııa, Belgııa, Belarýs, Reseıdiń joǵary oqý oryndarynyń ókilderi qatysty.