Astanada grepplıngten álem chempıonaty ótedi

<p>ASTANA. KAZINFORM - Astanada 7-12 qazan aralyǵynda grepplıngten álem chempıonaty ótedi. Jarysqa álemniń 30-dan astam elinen 1800-den astam sportshy qatysady, dep habarlaıdy elorda ákimdiginiń resmı saıty.</p>

Chempıonat barlyq jas toptary – U15, U17, U20, eresekter men ardagerler arasynda Grappling jáne Grappling Gi boıynsha ótedi.

«Grepplıng qazir buqaralyq sportqa aınaldy. Ol álemdegi eń kóne bedeldi sport uıymdarynyń biri bolyp sanalatyn jáne halyqaralyq olımpıada komıteti moıyndaǵan United World Wrestling halyqaralyq kúres federatsııasynyń qoldaýymen damyp keledi», – dedi QR Grepplıng Qaýymdastyǵynyń prezıdenti, QR grepplıngten ulttyq quramasynyń bas jattyqtyrýshysy Qanat Alın.

Aıta keteıik, elorda atalmysh sport túrinen álem chempıonatyn úshinshi ret ótkizedi. 2018 jyly grepplıngten álem chempıonaty alǵash ret Astanada ótti. 2019 jyly ol – grek-rım, erkin áıelder kúresi olımpıadalyq sport túrleri boıynsha álem chempıonatynyń baǵdarlamasyna kirdi.

Sondaı-aq, Qazaqstan astanasy 2017 jáne 2023 jyldary Azııa chempıonatyn eki ret ótkizdi.
Jarys 7-12 qazan aralyǵynda J. Úshkempirov atyndaǵy Jekpe-jek saraıynda ótedi.