Astanada Golovkınniń 5 metrlik sýreti paıda boldy

ASTANA. QazAqparat - Qazaqstannyń Street Workout federatsııasy Gennadıı Golovkın men Denıel Djeıkobs arasynda kútilip otyrǵan jekpe-jekke qatysty 5 metrlik kartınany saldy.

Onda qazaqstandyq boksshynyń 3-raýndtyń 15-sekýndynda amerıkalyqty nokaýtqa jibergen sáti beınelengen, dep xabarlaıdy QazAqparat.

Sýret Astanadaǵy sportzaldardyń biriniń qabyrǵasyna salyndy.

"Bizdiń federatsııa osyndaı erekshe ádispen Golovkındi Djeıkobspen bolatyn kezdesýi aldynda qoldaǵysy keldi. Biz onyń jeńisine senemiz jáne Golovkınniń óz salmaǵynda eń úzdik boksshy ekendigine kúmánimiz joq. Búgingi kúni bul kartına Gennadııdiń Astanadaǵy eń úlken sýreti", - deıdi federatsııa basshysy Damır Múminov.

Eske sala keteıik, Golovkın men Djeıkobs arasyndaǵy judyryqtasý 18 naýryzda Nıý-Iorkte ótedi.

Birqatar BAQ ókilderi Golovkınniń kelesi jekpe-jegi jazda Astanada WBO chempıony Djo Sonderske qarsy ótedi degen aqparat taratýda. Eger Golovkın eki boksshyny da eńseretin bolsa, orta salmaqta absolıýtti chempıon atanady.