Astanada gazsyz qalǵan úılerge kómir jetkizilýde - ákimdik

ASTANA. QazAqparat – Astananyń Kóktal shaǵyn aýdanyndaǵy 160 abonent qaıtadan gazǵa qosyldy. Bul týraly QazAqparat «QazaqGaz» ulttyq kompanııasyna silteme jasap habarlaıdy.

Apatty joıý jumystary túni boıy júrgizilgen. 29 qarasha kúni saǵat 9.00-den bastap abonetterge gaz berile bastady.

Gaz berý №15 jáne №16 gaz taratý pýnkterine jalǵanǵan abonetter úshin qalpyna keltirildi. Bul Aqan seri, Qaramende bı Shaqauly, Sulýtal, Súıinbaı Aqyn, Aıdarhan Turlybaev kósheleriniń qıylystaryndaǵy úıler degen sóz. Al úshinshi gaz taratý pýnktine jalǵanǵan 75 abonentke jyljymaly bý agregaty qyzmet kórsetedi.

«Saryarqa» aýdany ákimdiginiń apparatynda osy másele boıynsha shtab quryldy. Aýdan ákimdigi gazsyz qalǵan úılerge kómir jetkizýdi uıymdastyryp jatyr», - delingen málimette.

Eske salsaq, keshe keshke atalǵan shaǵyn aýdanda qurylys tehnıkasynyń kesirinen 236 aobnent gazsyz qalǵan bolatyn.