Astanada gaz ben aýa qospasy jaryldy

<p>ASTANA. KAZINFORM &ndash; Elordadaǵy Esil aýdanynyń ákimshilik ǵımarattarynyń birine (&laquo;Evrokopter Kazahstan ınjınırıng&raquo; JShS) japsarlas salynǵan jylý qazandyǵynda gaz ben aýa qospasy jaryldy.&nbsp;</p>

Jarylystan qurban bolǵandar men zardap shekkender joq. «QazaqGaz Aimaq» aktsıonerlik qoǵamy Astanadaǵy fılıalǵa atalmysh oqıǵa týraly eshqandaı ótinim túspegenin málim etti. 

«Atalǵan nysanǵa 2024 jyldyń 3 sáýirinde gaz tartylǵan. Gaz Qazaqstan avıatsııalyq ındýstrııa mekemesine tıesili, ortasha qysym deńgeıi 225 mıllımetrlik jeke menshiktegi qubyrdan tartylǵan (QazaqGaz Aimaq JShS-ine qatysy joq). Qazirgi tańda nysan (onyń ishinde jylý qazandyǵy da) oqıǵanyń mán-jaıy anyqtalǵansha gazben jabdyqtaý júıesinen ajyratyldy», - dep jazylǵan resmı málimette. 

«Gaz jáne gazben jabdyqtaý» Zańynyń 19-baby boıynsha gaz tutynatyn ónerkásip nysandarynda ózderine tıesili gaz júıesin kútip ustaıtyn personal bolý kerek. Ne bolmasa, gaz tutyný júıesiniń qaýipsizdigine jaýapty tulǵa mamandanǵan uıymmen kelisimshart jasaý kerek. 

«Evrokopter Kazahstan ınjınırıng» JShS-niń gaz tutyný nysandary kelisimshart boıynsha «Bolashak Invest Grýpp» JShS-ne tehnıkalyq qyzmet kórsetedi.