Astanada gaz ballondary tıelgen júk kóligi órtendi

<p>ASTANA. KAZINFORM - Astanadaǵy gaz ballondary tıelgen júk kóligi janyp, olar qyzý nátıjesinde jaryla bastady. Alaıda elordalyq órt sóndirýshiler 11 gaz ballonynyń jarylýyna jol bermedi. Bul týraly TJD habarlady.&nbsp;</p>

Oqıǵa ornyna kelgen Tótenje jaǵdaılar kúshteri men quraldary birneshe mınýt ishinde oqpanmen sý berip, ballondardy salqyndatý arqyly órtti aýyzdyqtady. Jaqyn jerde turǵan 3 kólik órtten zaqymdaldy.

Órt sóndirýshiler 8 kólikti, jaqyn mańdaǵy turǵyn úılerdi jáne 17-den 11 gaz ballonyn órtten qutqara aldy. 

Zardap shekkender joq.

Eske salsaq, búgin Jambyl oblysynda páterdegi órt kezinde 10 turǵyn evakýatsııalandy. 

"Taraz qalasynda tórt qabatty turǵyn úıdiń tórtinshi qabatyndaǵy páterde 2 sh.m. alańda janý oryn aldy. Oqıǵa ornyna kelgen órt sóndirýshiler 10 turǵyndy, onyń ishinde 2 balany baspaldaq marshymen evakýatsııalady. Qutqarýshylar órtti tolyǵymen sóndirdi" delingen habarlamada.