Astanada «Ǵasyrdan - ǵasyrǵa» oqýshylar baıqaýynyń jeńimpazdary anyqtaldy
Shara Astana qalasy Bilim basqarmasynyń «Astana daryny» óńirlik ǵylymı-praktıkalyq ortalyǵymen uıymdastyryldy, dep habarlaıdy elorda ákimdiginiń baspasóz qyzmetinen. Atalǵan sharanyń maqsaty - atadan mura bolyp kele jatqan qundylyqty qurmetteýge yqpal etetin ultjandylyqqa tárbıeleý. Baıqaý 6 jyldan beri ótkizilip keledi. Bıyl irikteý kezeńine 53 qalalyq mektepten 159 oqýshy qatysty. Baıqaý qorytyndysy boıynsha gran-prı júldesin №64 mektep-lıtseıi ıelendi. Al І oryn - № 60 mektep-lıtseıiniń; II oryn - № 38 mektep-lıtseıi men № 78 mektep-gımnazııasynyń, III oryn - №54 mektep-lıtseıi, №4 mektep-gımnazııasy jáne №6 gımnazııanyń enshisinde. Baıqaý jeńimpazdary men júldegerleri І, ІІ, ІІІ dárejeli dıplomdarmen jáne baǵaly syılyqtarmen marapattaldy.