Astanada gala-kontsertke jeti myńnan astam kórermen jınaldy

ASTANA. QazAqparat - «Barys Arena» muz saraıynda ótken «Astana – mádenıet kerýeni» I halyqaralyq áskerı-mýzykalyq festıvaliniń qorytyndy gala-kontsertine jeti myńnan astam kórermen jınaldy. Merekelik is-sharaǵa Premer-mınıstr Álıhan Smaıylov qatysty, dep habarlaıdy QazAqparat Úkimettiń baspasóz qyzmetine silteme jasap.

Kontsertte QR Qarýly Kúshteri Ulttyq áskerı-patrıottyq ortalyǵynyń Ortalyq áskerı orkestri, Memlekettik kúzet qyzmetiniń Prezıdenttik orkestri, Qazaqstan Ulttyq ulanynyń úlgili-kórsetilimdi orkestri, sondaı-aq Ázerbaıjan, Úndistan, Qytaı, Reseı, Túrkııa, Ózbekstan jáne Japonııa áskerleriniń áskerı orkestrleri óner kórsetti.

Atap aıtqanda, gala-kontsertte qazaq halyq óneriniń injý-marjany atanǵan «ıApyraı» lırıkalyq áýeni, Astanaǵa arnalǵan «Mereıtoılyq marsh», sondaı-aq Maıkl Djekson men Laıonel Rıchıdiń álemge áıgili We are the world sıngly oryndaldy.