Astanada frantsýz sýretshileriniń erekshe kórmesi ashyldy

ASTANA. QazAqparat - Frantsııanyń ulttyq mýzeıler birlestigi alǵash ret 19-20 ǵasyrdyń uly sýretshileriniń jumystaryn shetelge shyǵardy, dep habarlaıdy QazAqparat tilshisi.

48 kórkem týyndylardan jasalǵan kórme Qazaqstanyń Mádenıet jáne sport mınıstrliginiń qoldaýymen QR Ulttyq mýzeıinde ashyldy. Shara 30 qyrkúıekke deıin jalǵasady.

Ekspozıtsııa tek sýretterden emes, sonymen qatar, músinder men sándik ıntererlik buıymdardan turady. Kelgen qonaqtar Pol Gogen, Pol Serıýze, Emıl Bernar, Per Bonnara, Morıs Denı jáne t.b. sýretshilerdiń shyǵarmashylyǵymen tanysa alady.

«Bul shara Astananyń 20 jyldyq mereıtoıyna oraılastyrylǵan. Osylaısha, biz Qazaqstan mnen Frantsııa arasyndaǵy strategııalyq yntymaqtastyqtyń 10 jyldyǵyn atap ótýdemiz. Kórme eki el arasyndaǵy baılanysty odan ári nyǵaıtatynyna senimdimin. Kezinde bizdiń eldiń Mádenıet mınıstri Malro aıtyp ketkendeı, ónerdiń tili - adamdy adamǵa jalǵaıtyn eń qysqa jol», - dedi ashylý saltanatynda Qazaqstandaǵy Frantsııa elshisi Fılıpp Martıne.