Astanada etnomádenı birlestikterdiń kontserti ótti
Sharany Mádenıet jáne sport mınıstrligi Qazaqstan halqy Assambleıasymen birlesip uıymdastyrdy.
«Táýelsizdik jyldarynda Qazaqstan barsha álemge óziniń ultaralyq kelisimge qol jetkizý jónindegi strategııasyn tanytty. Áralýandylyq pen birlikti tý ete otyryp, memleket basty kúshti Qazaq halqynyń mádenıetin jańǵyrtýmen qatar elimizdegi barlyq etnıkalyq, konfessııalyq toptardyń arasynda dostyq qarym-qatynas qalyptastyrýǵa jumyldyryldy. Bul rette etnomádenı birlestikterdiń maqsat-mindetteri birdeı boldy. Onyń negizinde ulttyq mádenıetti damytý, etnıkaaralyq qarym-qatynastardy jetildirý, halyqtar arasynda ózara túsinistik qalyptastyrý, ulttyq dástúrlerdi jańǵyrtý men damytý boıynsha mádenı-aǵartýshylyq jumystardy júzege asyrý, til men mádenıetti saqtaý, tarıhty zertteý sııaqty ıgilikter jatty»,-dedi uıymdastyrýshylar.
«Myń tulǵa» jáne «Ónerimiz saǵan - Qazaqstan!» atty respýblıkalyq festıval Qazaqstandaǵy etnostardyń dostyǵyn, halyqtyń birligin saqtaý men elimizdiń mádenı erekshelikteriniń áralýandylyǵyn damytý baǵytyndaǵy jumystardyń kórinisi.
Atalǵan jobalar ulttyq mádenıetterdi, Qazaqstan halyqtarynyń tili men dástúrlerin jańǵyrtýǵa, ony saqtaý men damytýǵa yqpal etpek.
Іs-sharalarǵa elimizdiń etnomádenı birlestikteriniń ókilderi, sonymen qatar, respýblıkalyq jáne halyqaralyq baıqaýlardyń laýreattary Ardaq Álekeshov, Serik Ibragımov, Ksenııa Sýhomazova men «Alaý» toby sııaqty óner ujymdary qatysady.